عزيزي المواطن دليلك للمصانع في وار ايرا

المقال ده انا كتبته لتكرار الأسئلة في بند المصانع: اعمل كام مصنع طب لفل كام طب انهي سلعة طب اعين موظفين ولا لا الخ الخ ...

اول حاجة المصانع هي اكثر حاجة مربح الاستثمار فيها علي المدي الطويل و أي فلوس تعملها حطها في مصنع الا لو نادرا فيه فرصة قوية فالسوق للمضاربة لاكن متزودش عن 10% من دخلك الأسبوعي فأي حاجة غير المصنع

اهم الأدوات الهتعتمد عليها:

https://warerastats.io/tools/production-profitability

اول موقع لمعرفة السوق و ربح السلع

https://war-era.vercel.app/economy

تاني موقع لحساب الدخل و مرتبات الموظفين

هل اعين موظفين؟ و اعينهم فأيه

منصحكش لو لسه جديد. لأنه ببساطة وضعه مش مستقر. سوق التوظيف مضبوط علي هامش ربح قليل جدا بل سعات الناس بتوظف بخسارة لأسباب استراتيجية لاكن هل ممكن تكسب مع موظف؟ اه بس محتاج سيولة عالية وسهل تخسر لو السوق اتغير و قصاد ده الربح اقل من التداول او مصانع المحرك. متفركش فالتوظيف غير لو هتلعب ايكو و توصل ل 8 مصانع علي الاقل. طب لو هتعين: هتستعمل الموقع التاني و تحسب المرتب و سعر الشراء المربح و تحاول تحتفظ بالموظف.

طب اختار انهي سلع؟

هتروح علي اول موقع وهتخش عل خانة production profitability

هتختار average

و تدوس علي Max/PP

و هيرتبلك السلع الاعلي ربح علي المحرك بس اتاكد ان البونص

صح و مش ديبوزيت.

 هتلاقي ان احسن السلع هي مواد المصانع, الحديد الستيل الجير و الكونكريت و يليها البترول الخام و الرصاص. باستثناء طفرات فالطلق او الاقراص فالحرب بس بترجع تنزل تاني فخلي بالك. نوع المصانع فتلات او اربع أنواع عشان تبقي قادر تتأقلم مع السوق مغير متضطر تغير السلع فالمصانع باتعتك.

طب اعلي اللفل لكام؟

هنا فيه طريقين:

1. لو هتلعب ايكو يبقي الحسبة بسيطة هتروح للموقع التاني هتمش علي البيقولك عليه. هو بيحسبلك التكلفة و بياخد فالاعتبار سعر فتح المصنع و سعر اللفل بتاع المحرك هتلاقيه بيمشيك كده: هتعل للفل 3 لحد متوصل لتلات مصانع هتعليهم للفل 4 و هتكمل لحد متوصل لتمن مصانع هتعليهم ل لفل 5 و بعدها تكمل لحد 12 مصنع و تلفل بعديها ل 6 و 7

2. لو هتلعب حرب الحسبة بتختلف شوية عشان المهارات. البيحصل انك لما تقلب حرب بتضطر تقفل مصانعك عشان تخلي مهارات فأجزاء حربية ساعتها لازم تعلي اللفل اكتر عشان تفضل تعمل فلوس بمصنعين او تلاتة: هتمشي علي منهج مشابه للايكو لاكن مش هتفتح اكتر من 8 مصانع و هتهتم بلفل تلاتة او اربعة فيهم تعليهم لفل 5 او اعلي بشكل عامل زي كده: 

1: 3

2: 3/3

3: 4/4/4

4: 5/4/4/4

5: 5/5/5/4/4

6: 5/5/5/4/4/4

7: 6/5/5/4/4/4/4

8: 7/7/7/5/5/5/5/5

اتمني المقال يفيدكم و العنده سوأل تاني يحطه فالكومنتس

النائب أ ك