ليه التوظيف ممكن ميكونش في صالحك (لسه)
المقال ده مخصص للـ مبتدئين عشان يوضح ليه التوظيف ممكن ميكونش في صالحك في البداية — رغم إنه فعلاً ممكن يكون مربح لو استخدمت الأدوات الصح.
ليه بيفيد القدامى بس؟
على الورق ممكن تطلع كسبان، بس بفارق ضئيل جداً — وده لو أصلاً طلعت بمكسب في أول كام يوم.
اللاعبين القدامى عندهم سيولة، فممكن يتحملوا إنهم يخسروا يوم أو اتنين عشان يكسبوا بعد أسبوع.
إنت كمبتدئ؟ ده غلط مش تقدر تتحمله — كل جنيه بيفرق معاك.
المشكلة الأولى — أسعار التوظيف
أسعار التوظيف بتتغير باستمرار.
لو معكش سيولة مش هتقدر تواكب الأسعار، وهنا بيظهر الفرق الحقيقي بينك وبين اللاعب القديم.
المشكلة التانية — إنت محتاج فلوسك دي
في البداية كل جنيه المفروض يروح في تطوير مصانعك بأسرع وقت ممكن.
مش منطقي إنك تخسر فلوسك دلوقتي عشان تكسب بعد أسبوع — كنت ممكن في نفس الوقت ده تبني مصنع أو اتنين وتطورهم!
المشكلة التالتة — العامل ممكن يسيبك
لو سعر المنتج اللي بتصنعه انخفض هتبقى في مشكلة.
ليه؟ لأنك لو قللت المرتب — العامل في الغالب هيسيبك عشان هو بيدور على أفضل ربح
طيب إمتى التوظيف يبقى في صالحك؟
في حاجة اسمها بونص العامل — وده بيزيد كل يوم العامل فاضل في شركتك.
لما العامل يفضل معاك فترة طويلة، الـ بونص بيوصل لـ 10% زيادة في إنتاج المصنع.
وهنا بالظبط وقتها إنت فعلاً بتكسب من مصانعك
الخلاصة
التوظيف مش وحش، بس وقته مش دلوقتي. طور مصانعك
الأول، اجمع سيولة، وبعدين فكر في التوظيف
اتمني يكون المقال أفادكم
تحياتي