الكفرة لا تُباع.. والبلاد مش هديّة لمصر

يا شعب ليبيا العظيم، يا ولاد وعيال عمر المختار، اليوم قاعدين نشوفوا في سيناريو قديم قاعد يتكرر قدام عيوننا. زمان، في أواخر عهد القرمانليين، لما حكّام الهوان والضعف تعاملوا مع الأجانب وباعوا سيادة البلاد باش يحافظوا على كراسيهم، التاريخ سجلهم في صفحات الخيانة. واليوم، الشرذمة اللي مسمية رواحهم مسؤولين قاعدين يديروا في نفس المهزلة؛ سلموا أرض الكفرة لمصر تحت مسمى اتفاق مؤقت ودعم استراتيجي.

شن هذا الذل؟ ومن امتى كانت أرض ليبيا الطاهرة تتقدم كهدية للأجانب؟

أحني كعائلة Warmongers، نزلنا البوستر هذا ليكون شاهد على الخيانة الكبرى. الكفرة مش مجرد أرض في الخريطة، الكفرة شرفنا وعزنا، والوطنيين الأحرار داخل ليبيا مش حيسكتوا على هذا البيع والشراء.

الحكومة الفاشلة هادي، اللي مش قادرة حتى توكل شعبها، والعملاء امتاعها اللي فالحين غير في السب وتوجيه التهم الجاهزة في التعليقات، قاعدين يغطوا في عيبهم وفقرهم بشعارات قومية كاذبة. يبوا يوهموكم إنهم مدايرين إنجازات، والواقع يقول إن ثروة المواطن الليبي ما وصلتش حتى 2000 gold، والبلاد قاعدة تضيع مابين فقر وإنتاج صفر!

يا خوتنا الليبيين، اصحوا واقلبوا الطاولة على الكراسي امتاعهم. الخونة هادم يبوا يستعبدوا البلاد ويسلموها طريف طريف ومربع ومربع.

نوضوا يا أحرار.. كرامة شعبنا لا تُقدّر بثمن، والكفرة لا تُباع!