سرفر مصر أسوأ إدارة شفتها في أي سيرفر
GHOST_1417 مايو 2026news
بصراحة أنا ساكت بقالي شهر كامل احترامًا للمكان وللناس اللي فيه، لكن واضح إن السكوت عند بعض الناس بيتفهم ضعف.
واحد اسمه BOSS، لسه واخد عضو كونجرس امبارح، ومعندوش أي سلطة فعلية في اللعبة، لكن عشان صاحب الرئيس والوزراء بقى فاكر إن السيرفر ملكه الشخصي.
بقاله شهر كامل:
يديني تايم أوت بدون سبب،
يطردني من الفويس،
يشتم ويقل أدبه،
ولو رديت عليه بنفس الأسلوب يديني تايم أوت فورًا.
وأول مرة عملي تايم أوت ساعة كاملة بدون أي سبب، أبو عامر وزير الدفاع بنفسه شال التايم أوت وقتها، وده أكبر دليل إن العقوبة أصلًا كانت ظلم
والموضوع متكررش مرة ولا اتنين…
لا، ده بقى أسلوب دائم.
الأوسخ من كده؟
إن كل ده كان بيحصل قدام مسؤولين الدولة نفسهم ومحدش بيتصرف.
قدام الرئيس السابقة أفندي في فترة حكمه
وقدام موستر رئيس الكونجرس،
وقدام نائب الرئيس السابق إياد،
وآخر مرة قدام إياد وخفاجه و AK في فويس الكونجرس نفسه.
يدخل يشتم بدون سبب،
ولما أرد عليه يديني تايم أوت،
وكل الموجودين يتفرجوا كأن اللي بيحصل طبيعي.
وده يثبت إن المشكلة مش في BOSS لوحده…
المشكلة في ناس مديّة عيال صغيرة سلطة أكبر من حجمها، وسايباهم يستخدموها على مزاجهم وعلى الناس.
اللي بيحصل ده اسمه استغلال سلطة بشكل واضح وصريح.
انا هسيب السرفر بسبب العبط الي بيحصل دا
انا ملجتش للمقالات غير بعد ما لقيت تهميش واستغلال سلطات و محدش من المسؤليين بيتصرف
و هنزل مقالات عن كل المرات الي اتعملي فيها تايم اوت بالتفصيل
معايا اسكرينات علي كل واحد فهم سواء وزير او رئيس او اي كان
دا الاسكرين الي قادر اعرضه هنا
باقي الاسكرينات كلها شتايم والفاظ وسخه