انا بدات العب من حوالي شهر ونص
وحاليا قربت اوصل ل٦ شركات مستوى ٦ الحمدلله
تجربة ممتعة واكتر حاجة شداني للعبة هي عدم احتياجي اني ادخلها كل شوية عشان اطور من نفسي يكفي مرتين تلاتة في اليوم للحفاظ على مستوى جيد من التطور
وتاني حاجة عاجباني في اللعبة هي انها مش بتزود التطور كل ما بتدفع اكتر
Not pay to win game
ثالث حاجة عجبتني هي فكرة الاهداف اليومية الي محتاج احققها بتدي شعور جميل بالمتعة والانجاز كل ما تحقق هدف حتى لو بسيط وبالذات انهم بيتجددوا فدا محفز لتحقيقهم كل يوم
وانبسطت بصراحة لما زودوا انواع الاهداف لاسبوعي وكمان شهري
احب واتمنى اكون ذو تاثير إيجابي في بلدي اكتر خاصة اني هقدر ادخل في مود الحرب قريبا ان شاء الله
حابب اشكر كل من جاوبني ولو على جملة او سؤال واحد حقيقي فرقت معايا جدا
واخص بالذكر @abo 3amer
للاسف مش عارف اعمل منشن عشان لسا بتعلم اساسيات وطرق الكتابة في اللعبة بس الفيديو الي كنت عامله ع اليوتيوب يعتبر اكتر حاجة حمستني وشدتني وشجعتني للعبة فشكرا ليك..
اللعبة اه هي مجرد لعبة لكنها بتروق ع الواحد وهو بيعيش حياته اليومية ما بين شغل وظروف حياة مختلفة