بعد توقف كامل للحكومة، البرلمان يقرر بدء انتخابات رئاسية مبكرة

السلام عليكم ورحمة الله شعب مصر العظيم، أنا أخوكم "الدولار الكارف"

دي الأحداث اللي حصلت، مع الأخذ في الاعتبار إن كل قصة ليها أكتر من وجهة نظر، وإحنا بنشجع أي حد يقرأ ويسمع من كل الأطراف عشان يفهم الصورة كاملة، وأنا بحاول على قد ما أقدر أكون محايد.

طريقة عمل الحكومة المصرية عندنا إن كل شهر بيتم انتخاب رئيس وبرلمان. الرئيس بيختار حكومته اللي بتضم نائب الرئيس والوزراء، وعندنا نظام بيخلي البرلمان يراقب الرئيس، والرئيس يراقب البرلمان في نفس الوقت، وده لضمان إن مصر تفضل ديمقراطية وكل الناس يكون ليها تمثيل.

للأسف، خلال فترة أبريل (رئاسة يوسف)، الرئيس السابق "كريتوس" حصلت بينه وبين البرلمان مشاكل أكتر من مرة، ومقالاتي السابقة خير دليل على حجم المشاكل اللي حصلت ومحاولاتنا المستمرة لجعل الكونجرس سلطة تشريعية حقيقية ليها صوت، عكس ما كان يريده كريتوس من تهميش الكونجرس وإنه ميكونش ليه أي سلطة.

كان دايمًا بيقول إن دور البرلمان مالوش لازمة، وإنهم المفروض يصوتوا فورًا على قرارات الرئيس بدون نقاش أو رأي. وده تسبب في خلافات كبيرة، واضطر "موستر" بصفته رئيس البرلمان يتدخل وقتها عشان يصلح الوضع، وبالفعل الأزمة اتحلت، وأنا وضحت ده في مقال سابق.

ولما "كريتوس" انتُخب رئيس، كان فيه تعاون كويس جدًا بين الرئاسة والبرلمان، وقيادات عظيمة زي وزير الدفاع ووزير الاقتصاد ونائب الرئيس شالوا البلد مع البرلمان خلال فترة الحرب.

لكن للأسف، "كريتوس" رجع يهين البرلمان أكتر من مرة، ونسب كل الفضل والانتصارات لنفسه، رغم إن ناس كتير كانت بتتعب وتشتغل، وبدأ يفتعل مشاكل رغم إن الوضع كان مستقر نسبيًا.

اللي حصل امبارح كان مؤسف وغير ضروري تمامًا.

تم عزل عضو كبير ورئيس جهاز المخابرات "اياد" من منصبه، وإزالة رولات ستف وزارات وأدمن من مسؤولين كتير بدون أي إخطار مسبق. ولما الرئيس اتسأل، قال إن من حقه يعمل كده بدون ما يوضح أسباب.

ودي مش أول مرة يعملها، عملها قبل كده في فترة يوسف لما كان مجرد وزير اقتصاد، وشال رول الكونجرس من "اي كي" وعضو كونجرس تاني، ووقتها تسبب في مشكلة كبيرة. 

ومن الأول وأنا معترض عليه وقلت ده كتير، لكن محدش سمع كلامي، وبرضو تم انتخابه.

وأول ما مسك رئيس، بدل ما يركز في شغله أو يحل المشاكل، دخل سيشن كونجرس كنت بتناقش فيه مع حد، ودخل يشتم ويمارس سلطته كرئيس عليّا، وهددني بالطرد لمجرد إني أتكلم أو حتى أحط إيموجي على رسالة حد، وده كان قمة الديكتاتورية. وقتها تدخل عضو كونجرس وحل المشكلة.

وده يخليك تتخيل شخص كل تفكيره في المشاكل والسيطرة، ممكن يعمل إيه لما تكون معاه سلطة كاملة.

نرجع لموضوع "اياد" وإزالة الرولات.

بعدها حصل اجتماع صوتي كامل بين الوزراء والبرلمان، والناس بدأت تعبر عن مخاوفها. رئيس البرلمان "موستر" تدخل عشان يحافظ على هدوء الوضع، وكان واضح إن الأمور بدأت تهدى.

لكن أول ما "موستر" خرج من المحادثة الصوتية، بدأ تبادل إهانات بين الرئيس وسانتا والبرلمان، والوضع خرج عن السيطرة.

الرئيس السابق "كريتوس" وصف البرلمان وبعض الوزراء بـ "خونة أوس*خ"، ورفض أي تدخل أو حتى تقديم اعتذار.

وده أدى لتصويت رسمي من البرلمان على سحب الثقة من الرئيس الحالي، إحنا كنا بنحاول بكل الطرق نحل الأزمة  لمصلحة مصر.

التصويت انتهى بنسبة 91% من البرلمان والوزراء ونائب الرئيس وكبار أعضاء الدولة بالاعتراض قرارات الرئيس.

لكن الرئيس ما تقبلش النتيجة، وبدأ يهدد بحل البرلمان وإقالة وزراء ومسؤولين مهمين في محاولة للتمسك بالسلطة.

نائب الرئيس "اسر" قدم استقالته اعتراضًا على اللي حصل.

وبعدها "كريتوس" قرر يشيل كل الوزراء، بما فيهم وزير الاقتصاد "اي كي"، وكمان تم عزل ملك مصر السابق "موستر" من منصبه رغم إنه كان رئيس البرلمان، والرئيس أصلًا مكانش من حقه يعمل كده.

وبعد فشل كل محاولات التفاوض وإنهاء الأزمة، البرلمان قرر — من أجل مصلحة ومستقبل مصر — عزل الرئيس الحالي.

وتم الإعلان عن انتخابات مبكرة جديدة هتتعمل بكرة، وهيكون فيه رئيس مؤقت لمدة 6 أيام لحد انتخابات يونيو.

اللي حصل ده يعتبر فشل كبير مننا كلنا في التواصل وبناء الثقة وإنشاء حكومة مستقرة، وأنا شخصيًا محبط جدًا من تصرفات كتير حصلت.

كان ممكن نحل الموضوع بشكل ودي مع كريتوس لكن تصرفاته الأخيرة أضرت بمبدأ التفاوض الدبلوماسي وأساسيات التواصل الإنساني.

استخدام الإهانات واعتبار أي معارض "خائن" شيء عمرنا ما شفناه في مصر قبل كده.

المفروض إن البلد دي تقوم على الدبلوماسية، وإن كل المواطنين والحكومة يكون ليهم رأي وقوة متساوية، والثقة دي الشعب بيحطها فينا لما بيدينا صوته.

وإحنا كحكومة فشلنا في حق الشعب اللي أقسمنا نخدمه، وواجب علينا نقدم اعتذار.

الدولة حاليًا من غير قيادة، وخلال غياب الرئيس السابق كانت الدولة بتدار من البرلمان والوزراء مع بعض، وده هيستمر لحد انتخاب الرئيس الجديد.

اللي طالبه منكم دلوقتي، أرجوكم تمسكوا نفسكم وبلاش فتنة.

فيه عدة أشخاص كريتوس اداهم مناصب في فترة حكمه وهما ميستهلوش المناصب دي، وهما عارفين إنهم هيتشالوا بمجرد ما يمسك رئيس جديد، وعشان كده بيحاولوا بكل الطرق يظهروا كريتوس على إنه الملاك البريء، ويطلعوا الكونجرس والحكومة شياطين عشان يضمنوا بقاءهم في السلطة.

وأكبر مثال على ده واحد اسمه "Eutectic"،

عمال ينزل مقالات كلها كذب وتزوير وافتراء على الكونجرس.

فأتمنى محدش يمشي ورا كلامه، ونحاول نحافظ على بلدنا في الظروف الصعبة اللي بنمر بيها.

وأنا إن شاء الله هبلغكم بكل جديد يحصل.