"الناس اللي بتكتب مقالات و محتوى صحفي"
عندي رجاء شخصي منكم
ياريت و انتو بتكتبوا المقالات متكونش ذكاء اصطناعي بالكامل كوبي بيست و كلامي مخصص للي في مجال الصحافة او التعليم
علي الاقل ياخويا ضيف من اسلوبك او عدل عليه لان الموضوع ليه عيوب كتيرة و هقولك بعض منهم
اولا: بيكون ممل فشخ في قرايته و مشابه لكل الانماط من المقالات التانية و بالتالي صدقني انا شخصيا مش بكمل سطر من قرايته و بخرج لحظة ما احس انه ذكاء اصطناعي حتي لو هتعلمني طريقة ازاي اخلي جيف بيزوس يجي يستلف مني جولد
ثانيا: باين فيه كسلك و ان مفيش مجهود و انك دخلت رزعت جملتين و شغال ترمي في مقالات عدد في الليمون
ثالثا: لاحظت معظم المقالات اللي مكتوبة بذكاء اصطناعي ريتشها واقع و الاجانب كذا مرة اشوفهم برضوا بيسفوا علي مقالات الذكاء الاصطناعي و انها فعلا كرينج و مش بتتقري ولا عليها تفاعل او تيبس
رابعا: صفر ابداع او تميز و انت مجبتش اي شيء جديد و لا يستحق التقدير بأي نوع من الانواع و انك لغيت كيانك و شخصيتك و اسلوبك و استبدلت نفسك بشات جي بي تي ولا اي نوع تاني و بقيت كأنك ( معلش يعني )
brainless
و دول شوية نصايح مني ليكم
عادي تستخدم الذكاء الاصطناعي في الصور
عادي تستخدم الذكاء الاصطناعي في بعض الفقرات و الاجمل لو متستخدمهوش خالص في كتابتك و تكون حقيقي و مميز في كتاباتك
انا شخصيا استخدمته بس بلاحظ لما بعتمد عليه اكتر و اكتر ريتش كتاباتي بيقل و التفاعل و الكومنتس بتقل و انا شخصيا بفكس لاي حاجة مكتوبة بيه بشكل كامل علي الاقل
تجنب ان المقال يكون كبير يسطا احنا مش بنرزع سطور و ياريت يعني يكون المختصر المفيد و تدي الناس الزتونة و بلاش هري فاضي كتير ارجوك
و جربوا و قولولي النتايج و انا شخصيا هقرا اكتر لما اشوف اختلافكم و تميزكم في المحتوى اللي بتقدموه و شكرا
