من قلب الميدان إلى قمة المسؤولية: جزرة مرشحاً لرئاسة مصر العظمى
أيها الشعب المصري العظيم،
أتقدم إليكم اليوم ببيان رسمي أعلن فيه ترشحي لمنصب رئاسة الجمهورية المصرية العظمى، لاستكمال النجاحات والمكتسبات التي حققتها الحكومات السابقة، وسيراً معكم جنباً إلى جنب نحو نهضة البلاد وتقدمها في المرحلة القادمة. 🇪🇬
إن الطريق لم يكن يوماً هيناً، وهو محفوف بالعديد من التحديات والمخاطر، بدءاً من العدوان البرتغالي المتكرر على الساحة، وتجرؤ بعض الدول الأخرى لدخول قارة أفريقيا. يضاف إلى ذلك التغيير الكبير في تحديث اللعبة ونظام الحكومات الذي يترتب عليه وضع أولويات مختلفة، ولكن كل ذلك كنا دائماً نقدر على تعديه عندما نقف مع بعض كشعب واحد متعاون ومتفاهم، مصلحتنا واهتمامنا الأول هو مصر بعيدا عن أي مصلحة شخصية أو فايدة. 🤝
ممكن أكون مش احسن المرشحين ولا أقدمهم، لكن نبذة صغيرة عني ممكن تفيدكم عشان تدعموا ترشحي لو شايفين فيا المسؤولية والقدرة لإدارة البلاد:
أنا جزرة.. ابتديت كمواطن عادي وتعلّمت اللعبة على إيد اللاعبين القدامى. 📚
دخلت الحكومة كستاف لوزارة البروباجندا بكتب مقالات عما يهم الدولة من أخبار ومقابلات مع شخصيات مهمة. ✍️
تدرجت في وزارة الخارجية حتى تشرفت بتولي منصب وزير الخارجية لدورتين متتاليتين؛ وخلالهما ساهمت بفضل الله في إدارة ملفات شائكة وهامة، أبرزها دعم مباحثات الأردن لنيل استقلالها، وتحقيق المصالحة المصرية-السودانية، ومؤخراً حل أزمة العلاقات المصرية-الليبية وإعادتها لسابق عهدها من الأخوة والترابط. 🌐
كنت في نفس الوقت شغال في وزارة التعليم لتعليم اللاعبين الجدد إزاي يلعبوا اللعبة صح، وأدرت واشتركت في العديد من السهرات التعليمية اللي بتنظمها الوزارة. 🎓
ترشحت للكونجرس مرتين وكنت عضو فاعل في وضع بعض القوانين فيه اللي ساهمت في تحسين الحياة السياسية. 📜
وبجانب كل ده، جزرة مصري ابن بلد .. بحب بلدي جداً أينما كانت في الحقيقة ولا اللعبة، وهدفي دايمًا أني أشوف رايتها خفاقة عالية فوق الجميع، لأنها أكبر منا كلنا! وده كان دايمًا شغلي الشاغل، سواء كنت مواطن عادي ولا موظف في الحكومة ولا صاحب منصب، كل ده ملوش لزوم لو مصر مش بتتقدم. 🦅
ولأن تقدمها مش بيحصل غير بيكم ومع بعض، لازم نشتغل جاهدين أننا نكون صف واحد ونعمل كل اللي نقدر عليه. المرحلة الجاية هتتطلب شغل حقيقي يتعمل، ناس تنضم لوزارات وتدينا من خبرتها ووقتها. أنا عارف إنها لعبة عند البعض منكم، لكن اللي مهتم فعلاً أن مصر تكبر ومستعد يبنيها بمجهود ووقت، متبخلش عليها! وسواء أنا فزت ولا لأ، هفضل دايمًا أديكم كلكم أفضل ما عندي من خبرات ونصائح ومجهود، وهفضل دايمًا أخدم بلدي بأفضل مما تستحق. 💼
قوموا واصنعوا المجد، واجعلوا أصواتكم ومجهودكم صرخة مدوية في وجه كل طامع، فمصر تستحق الأفضل دائماً بمن فيها! 🔥
تحيا مصر حرة أبية، والعزة لمصر ولا غير مصر! 🇪🇬🦅💪
https://app.warera.io/user/6a5c1e58e6be3b582b0baf3e