احنا عندنا مشكلة كبيرة في سوء التنظيم ودي من اكتر الحاجات اللي بتضيع مجهودنا وتخلينا ما بنتقدمش بالسرعة اللي احنا عايزينها مع ان عندنا ناس كتير شاطرة وعندها وقت وحماس لكن المشكلة ان مفيش طريقة تجمع كل ده بشكل صح وتخليه يشتغل لمصلحة الجميع
اول اقتراح عندي اننا لازم نركز على زيادة عدد الناس اللي تدخل اللعبة لان العدد هو القوة وكل ما زاد عددنا كل ما بقينا اقوى ونقدر نعمل حاجات اكبر واحسن واحنا بالفعل شفنا ناس كتير دخلت بسبب بوستات الفيس وده معناه ان الطريقة دي ناجحة ومحتاجة بس استمرار لازم كل واحد فينا يحاول ينشر اللعبة ويشجع الناس تدخل وتجرب
وبرضو محتاجين نغير فكرة الشرح الطويل لان اغلب الناس لما تشوف فيديو طويل ومعقد بتحس ان اللعبة صعبة او كأنها شغلانة مش لعبة وده بيخلي ناس كتير تزهق قبل ما تبدأ اصلا عشان كده انا شايف ان افضل حل هو فيديوهات قصيرة مدتها دقيقة او اقل كل فيديو يشرح حاجة واحدة بس بشكل بسيط وسريع بحيث اي حد يقدر يفهم بدون ملل ومع الوقت الناس هتتعلم كل حاجة خطوة خطوة
وكمان احنا عندنا صحاب لو كل واحد يقدر يدخل صاحبه اللعبة ويبقى هو اللي يعلمه الاساسيات بنفسه ودي من احسن الطرق لان الشخص لما يلاقي حد قريب منه بيساعده بيتعلم اسرع وبيحب يكمل اكتر ومش محتاج حد يمسكه من ايده فترة طويلة يومين وهيكون فهم الاساسيات وبعدها يبدأ يعتمد على نفسه
ولو كل واحد جاب شخص او اتنين خلال فترة قصيرة العدد هيزيد بشكل ضخم جدا وفي خلال شهر ممكن نبقى عدد رهيب يقدر يغير شكل اللعبة كلها ويبقى عندنا مجتمع قوي ومتعاون بدل ما كل واحد شغال لوحده
اما بالنسبة للتنظيم فانا شايف ان لازم كل رئيس وحدة يتابع الناس اللي معاه بشكل مستمر واي شخص مش متفاعل او مش بيلتزم بالاوامر لازم يتم الكلام معاه الاول ومحاولة فهم المشكلة يمكن يكون محتاج مساعدة او توجيه لكن في نفس الوقت لازم يبقى فيه التزام عشان اي مجموعة تنجح لازم يكون فيها نظام واحترام للمسؤوليات
احنا عندنا القدرة اننا نبقى من اقوى الناس لكن ده مش هيحصل بالكلام بس هيحصل بالشغل والتنظيم والتعاون ولو كل واحد عمل اللي عليه حتى لو حاجة بسيطة النتيجة النهائية هتبقى كبيرة جدا
وبحب اقول في النهاية ان ده رأيي الشخصي ويحتمل يكون صح او خطا والموضوع راجعلكم