دليل اللاعبين الجدد

الدليل ده معمول علشان يجاوب على أكتر الأسئلة اللي أي حد جديد بيقابلها وهو لسه بادئ اللعبة

:محتوى المقال
1- المستويات والمهام
2- بار المهارات
3- الشغل والشركات
4- تطوير المهارات
5- نظام الحروب
6- قوانين اللعبة   

7- ديسكورد الدولة

1- المستويات والمهام

علشان تعلى ليفل لازم تخلص مهام من قسم المهام.

المهام هي طريقك الوحيد عشان ترفع مستواك

هتلاقي 3 أنواع:

مهام يومية

مهام أسبوعية

مهام البداية )بتخلصها مره واحده ومبتتجددش تاني)

حاول تعمل أكبر عدد ممكن لأن كتير منها بيتعمل تلقائي أثناء لعبك.

ولو خلصت 7 مهام من أصل 10 في اليومية أو الأسبوعية هتاخد مكافأة إضافية

وتقدر تبدّل مهمة واحدة مجانًا لليومية و الاسبوعية

.وبعدها التبديل هيحتاج دهب

2-البار الخاص بالمهارات

لو لقيت المهارات لونها بقى رمادي فده معناه إنك استهلكتها ومحتاجه تشحن عشان تستخدم المهارة.

كل بار بيرجع يتشحن تلقائي كل ساعة بالرقم الموجود على اليمين حسب مستوى المهارة، وبيتملى بالكامل خلال 10 ساعات.

واي بار منهم لازم يكون 10 علي الاقل عشان تقدر تستخدمو

(ما عدا بار الاكل محتاج نقطة واحدة على الاقل)

لو صحتك 💚 قليلة استخدم الأكل هيرجع لك نسبة من الصحة حسب نوع الأكل.

بس في الاول متستخدمش الاكل غير في حدود المهام ويكون ارخص اكل

3- الشغل والشركات

اولا الشغل

بعد ما تخلص التعليم غالبًا هتكون اشتغلت بالفعل في شركة.

لو لأ، دور على شغل مرتبه عالي. هتلاقيه اول عرض متاح.

(1)             0.136 المرتب اللي بيدفعو صاحب الشركة

(2)            مرتبك انت صافي بعد الضريبة لكل 1⛏️ 0.121

نفترض مثلا هنا انت في الدوسة بتطلع 10⛏️ يبقى مرتبك

(0.121x10=1.21 لكل مرة)

عشان تدوس عمل محتاج 10 طاقة ⚡ للمرة الواحده  وهتاخد مرتب حسب عقدك.

شركتك الخاصة

كل لاعب بيبدأ ومعاه شركة خاصة.

⚡الفرق في شركتك إنك مش بتستخدم طاقة

لكن بتستخدم ريادة أعمال 💡.وبتستهلك 10 بردو لكل دوسة

يعني تقدر تشتغل في شركتك وكمان في شركة حد تاني عادي. كل بار منفصل عن التاني.

• ⛏️عمل = تزود الإنتاج

• انتاج = تحول المخزون لمنتجات فعلية تبيعها او تستخدمها

  وكل دولة بتتخصص في انتاج سلعة معينة وبتدي بونص انتاج زياده لشركتك (عشان كده لازم تختار موقع الشركة في اعلى دولة عاملة بونص للسلعة اللي اخترتها .عندك مصر مثلا هتديك 62% بونص زيادة للحديد).

  

تقدر كمان تعين موظفين عندك، لكن هتدفع لهم رواتب. ومنصحكش تشغل أي حد في البدايه خالص لانه هيخسرك.

تطوير الشركة

دوس علي شركتك هيظهرلك نوعين من التطوير:

Automated Engine(محرك ألي)-1

انصحك تركز تطور هنا. لان ده بيخلي الشركة تخزن انتاج تلقائي يومي على حسب المستوى.

Storage(التخزين)-2

ده الحد الأقصى للمخزون.

لو وصلت له الشركة هتقف عن الإنتاج التلقائي، وأي موظف شغال مش هيقدر يشتغل.

علشان كده لازم تدوس "إنتاج" باستمرار أول ما المخزون يتوفر.

4- تطوير المهارات

ادخل على مستواك علشان تفتح صفحة المهارات

في البداية ركز على المهارات الاقتصادية علشان تتطور أسرع وتفتح شركات أكتر بمستويات أعلى

كل ما حسابك يعلى مستوى هتاخد 4 نقاط للمهارات

ترقية المهارات بتزيد تدريجيًا:

أول ترقية = نقطة واحدة
ثاني ترقية = نقطتين
وهكذا

شرح المهارات:

ريادة الأعمال💡:  شغل في شركتك. كل 10 نقاط بتصرفها بتضيف إنتاج ⛏️ لشركتك.
الطاقة⚡:  شغل في شركات الناس كل 10 نقاط بتصرفها بتضيف إنتاج ⛏️ للشركة وكمان تاخد مرتب.
الإنتاج⛏️:  دي كمية الشغل اللي بتنجزها مقابل كل 10 نقاط من الطاقة⚡في الشغل للناس, أو ريادة الأعمال 💡للشغل في شركتك

5-نظام الحروب

المعارك بتظهر تحت ناحية الشمال.

لما تفتح معركة هتختار الطرف اللي هتحارب معاه، اختار العلم اللي عليه دولتك او اللي عليه اوردر من الدولة زي الصورة

ولو مفيش اوردر تقدر تعرف هو حليف او لا عن طريق دوسة مطولة على علم الدولة لو موبايل او ببساطة توجة الماوس على علم الدولة عالكمبيوتر.

في البداية حارب بالسكينة بس وتستخدم معاها لبس يكون رمادي فقط

أي اسلحة خضرا فككها و بيعها

(Dismantle افتح "المخزون" دوس عالسلاح بعدين )

ولو ازرق او اعلى بيعها عشان تكسب و تطور مصانعك لحد ما يبقى معاك 6 مصانع لفل 5 ساعتها تقدر تعمل reset وتغير مهاراتك لمهارات القتال

تعرف ازاي احنا بنكسب ولا بنخسر؟

علشان تكسب الحرب لازم تكسب جولتين

(في الصورة ايطاليا فايزة بجولة قصاد 0 لالمانيا)

كل جولة بيكسبها الفريق اللي يوصل الأول لـ 300 أرض

كل دقيقتين اللعبة بتحسب مين عمل ضرر أعلى وبتديه أرض إضافية.

في بداية الجولة الارض بتزيد بمعدل  1 كل دقيقتين وكل ما الحرب تطول، كمية الأرض اللي بتتوزع بتزيد أسرع لحد ما توصل ل5 كل دقيقتين.

أقدر أبدأ حرب بنفسي؟

لا، المواطن العادي مينفعش يبدأ حرب.

الحروب بتبدأ عن طريق حكومة الدولة فقط.

6-قوانين اللعبة

مهم تعرفهم كلهم بس بالمختصر واهمهم

(1)            متعملش اكتر من حساب واحد عشان متاخدش بان.

(2)            خلي اسلوبك كويس سواء في الشات العام او شات الدولة.

7- دسكورد الدولة

دوس علي علم دولتك و ادخل الدسكورد

مهم جدًا لأنك هتقدر:

• تسأل أي سؤال
• تعرف أفضل توزيع للمهارات (اقتصادي أو قتالي)
• تتابع تعليمات الدولة وأوامر الحرب