صوت الخبرة والثقة.. مكملين المشوار عشان مصر أقوى وأقوى!
يا رجالة وشباب الشعب المصري العظيم في لعبة War Era،
أهلي وناسي،،
بقف قدامكم النهاردة بقلب مفتوح، مش بس عشان أجدد طلبي للترشح لعضوية الكونجرس، لأ، عشان نقول لبعض إن المشوار مستمر وبقوة. شرفتوني في الفترة اللي فاتت، ودي تاني مرة ليا في الكونجرس بفضل ثقتكم وغلاوتكم عندي، ومش بس كدة.. دي تالت مرة أتشرف بأني أكون وزير اقتصاد للدولة!
الخبرة مش كلام بينقال، دي أفعال ومواقف؛ وطوال الفترات اللي فاتت دي مكنتش مجرد وزير قاعد على كرسي، كنت في ضهر كل واحد فيكم:
تطوير اقتصاد الشعب: مسكنا الاقتصاد اللي كان محتاج دفعة ورفعنا مستويات الشعب كله، وعملنا شروحات وتوجيهات بأسلوب بسيط يخلي كل لاعب فاهم بيعمل إيه وإزاي يبني دولته صح.
إصلاح الوزارة والبروكسيات: طورنا أداء وزارة الاقتصاد وخليناها أسرع وأنظم، والأهم من ده كله بفضل الله إننا بقينا نسند ونحكم في جميع البروكسيات اقتصادياً ونطورها، لحد ما بقت درع حماية واستثمار لينا.
صناعة القيادات: أنا مكنتش بشتغل لوحدي، ده أنا دربت ناس كتير وطلعت منهم وزراء اقتصاد كفء يديروا دول بروكسيات ثانية بكفاءة عالية، عشان نبني مدرسة اقتصادية مصرية تكسر الدنيا.
التواجد في الكونجرس: زي ما كنت معاكم جوه الكونجرس متفاعل، بنظم، وبشرح، وبساعد الصغير قبل الكبير، مكمل بنفس الروح وزيادة.
رؤيتي للكونجرس الفترة الجاية: الكونجرس مكان للناس اللي بتشتغل بجد. أنا جاي أكمل اللي بدأناه، ونطلع بقوانين وقرارات تخلي كل مصري في اللعبة -جديد أو قديم- ليه صوت قوي ومسموع ومكانة تليق باسم مصر.
صوتك أمانة، ومستقبلنا أمانة،، وإيدك في إيدينا نكمل حكاية النجاح!
وزير الاقتصاد (للمرة الثالثة) / مرشحكم للكونجرس (للمرة الثانية)
