نشرة الأخبار 🔊
واحشني يا غالي اجهز وتعلالي احكيلك عاللي بيحصل
ناس كتير بتسأل هي البرتغال مشخصناها معانا ليه وايه اللي حصل وصلنا للحال دا والوضع دا هينتهي ازاي؟؟
كوباية الشاي بتاعتك وتعالى
بداية المصريين في اللعبة كنا خاضعين للاحتلال من تحالف اوروبي ووقتها بدأنا نثور ونأسس بلدنا ونرسم حدودنا اللي وصلت لغرب افريقيا وحدود تركيا
خلال الفترة دي كانت العداوة الوحيدة لينا مع اسرائيل وحاربناهم ومسحناهم من على الخريطة
بعدها اتعرض علينا هدنة من التحالف الاوروبي مقابل اننا نتنازل عن ارض اسرائيل وكلمة من هنا على كلمتين من هنا قولنا نمسك العصاية من النص الشمال لاسرائيل والقدس والجنوب لينا وخلصت على كدا الحكاية
لكن عشان احنا بنتعامل مع يهـــ.ـــود عملو ثورة علينا في القدس وحاولو يرجعوها وعلى الرغم من اننا فشخـ.ـناهم الا ان التحالف الاوروبي اعتبرها خيانة مننا للهدنة (شغل تلاكيك بقا) ورجعت الحرب للبداية
حاليا يعتبر التاريخ بيعيد نفسه وبنرجع لنفس بداياتنا في اللعبة بس الفرق اننا عددنا اكبر وناس كتير بقت عندها دراية وواعية باللي بيحصل + بنحط خطط استراتيجية وبنزل تعليمات سواء عالمنصة هنا او في ديسكورد
ولو الواقع حاليا اننا مازلنا اضعف من التحالف الا اننا بنتطور بمعدل كبير جدا ومع الوقت والصبر هنقدر نستحوذ على العالم كله وحاليا احنا في مرحلة بنشكل خطر كبير على اوروبا ودا سبب خوفهم مننا
وعشان كدا بطلب من كل الابطال الشجعان نتجمع سويا ورا الادارة وبلاش ننجر ورا المحبطين لاننا فعلا اقوى وافضل بس محتاجين صبر وشوية وقت
كان معكم ميسو مذيع الغلابة
😘 واستناني.. هرجعلك تاني مع اطيب الأماني
قدر المجهود وادعم عشان المقال يتشاف
🫡 سلااااام