فضحية الكونجرس المصري وعزل الرئيس

في الفترة الأخيرة كلنا شفنا كمية المشاكل والانقسامات اللي حصلت داخل الدولة، والموضوع وصل إن رئيس الدولة كريتوس بقى بيتعرض لهجوم من الكونجرس وبعض الوزراء بشكل واضح، لدرجة إنهم بدأوا إجراءات عزله بدون حتى ما يسيبوا للشعب فرصة حقيقية يختار أو يسمع كل الأطراف

الرئيس عمل تصويت واضح وصريح للشعب: هل الناس عايزة نظام وقوانين واحترام ولا عشوائية وهرجلة

وأكتر من 85% من المواطنين صوتوا إنهم عايزين نظام، وده بيوضح إن أغلب الشعب كان داعم لفكرة تنظيم الدولة وإنهاء الفوضى

لكن بدل ما يتم احترام رأي الشعب، شفنا اجتماعات وتصويتات سرية ومحاولات تمرير قرارات بعيد عن المواطنين، وحتى الرسائل بدأت تتمسح بعد ما الناس بدأت تعرف اللي بيحصل

الغريب كمان إن بعض الأشخاص بدأوا يطرحوا أسماء معينة للرئاسة وكأن القرار خلاص اتاخد بينهم، بدون انتخابات واضحة أو ترك حرية الاختيار للمواطن المصري يحدد مين يمثله فعلاً

ناس كتير من الشعب نفسها استغربت اللي حصل، خصوصاً إن كان فيه اجتماع وفويس مقرر بين الرئيس والكونجرس لمناقشة المشاكل ومحاولة حلها، لكن تم تجاهل ده بالكامل واتاخدت خطوات التصعيد بسرعة غريبة

وأنا شخصياً كستاف وزارات في الديسكورد، بقيت مش حاسس بالأمان وسط الناس دي.

لأن لو ده حصل مع رئيس دولة منتخب فقط لأنه بيحاول يفرض نظام، يبقى أي شخص مختلف معاهم أو بيقول رأيه ممكن يحصل معاه إيه

علشان كدا أنا بعلن ترشحي للرئاسة في الفترة الجاية، بهدف إن الدولة ترجع للشعب فعلاً، مش لمجموعة صغيرة تتحكم في كل حاجة من غير شفافية

أنا مش داخل علشان أكرر نفس أخطاء الحكومات السابقة، ولا علشان أعتمد على شلة معينة.

هدفي أفتح الباب للناس الجديدة تتعلم، تشارك، وتاخد فرصتها ومناصبها على أساس الاستحقاق والكفاءة

الكونجرس لازم يكون صوت الشعب الحقيقي، مش أداة لخدمة المصالح الشخصية أو تصفية الحسابات

لو عايزين دولة فيها نظام، واحترام لرأي الشعب، وفرص حقيقية للناس الجديد فأنا بطلب دعمكم وثقتكم في الانتخابات الجاية