الدليل التعليمي السوري الشامل - المستوى : مبتدئ

بسم الله الرحمن الرحيم

اول شي افهم اللعبة حبة حبة موشرط تفهما كلها من اول يوم ولا شرط تخلص هاد المقال بجلسة وحدة
تم تقسيم هاد الشرح ل5 محاور كما هو موضح بالصورة


المحور الاول 1/ مخازن الطاقة

الطاقة الخضراء : هي الطاقة اللي بتستهلكها لما تقاتل فيها بالمعركة وهاد شي غير مهم حاليا بتقدر تقاتل بالسكين والعتاد الفضي فقط .


الطاقة الحمراء تمثل جوع اللاعب من خلال الأكل بتزيد الطاقة الخضراء فوق وكمان حاليا مومهمة
(إعتمادك كلاعب جديد فقط عالخبز )

الطاقة الزرقاء : اهم شي باللعبة وحط تحتا مليون خط احمر ( مصدر رزقك الوحيد في بدايتك واساس عملك بالاقتصاد في اللعبة
رح نشرحها بتفصيل لما نوصل للشركات...

الطاقة الصفراء : المسافات التي تقطعها بين كل منطقة ومنطقة مثلا متل مو شايف اذا بدي روح من دير الزور على حمص وحماة بدي استهلك ١٠ طاقة نحن منسافر ومنستعملها لنجمع الصناديق الخشبية ونشارك بالحروب المطلوبة اللي منشوف دولتنا او وحدتنا مشاركة فيها رح تظهرلك أول خيار بالمعارك

....في النهاية هي المخازن بتتجدد كل ساعة بمقدار 10% يعني لو كان مخزن الطاقة سعته القصوى 150 منضربها ب10% بيطلع معنا 15طاقة كل ساعة لذلك كل ما زادت المخازن عندك كل مازادت قوة مهاراتك وهون رح ننتقل للمهارات لنشرحها اكثر


المحور الثاني 2/ المهارات المطلوبة من اللاعب الجديد حتى مستوى 10
حاول تطبّق المهارات مثل هي الصورة تماما👇

رح نشرحهم وحدة وحدة
الطاقة الزرقاء : اعملها ١٩٠ لانها أسااااس التوظيف والعمل الذاتي في الشركة رح نشرحها اكثر بقسم الشركات تابع...

الإنتاج : اعمله ٣٦ ولا بقى تقرب عليها ابدا في البداية

حد الشركات : يعني الحد المسموح فيه بناء الشركات , أنت ك لاعب أهم شي باللعبة لبناء اقتصاد فردي كامل متكامل هي انك تفتح شركات ، خصوصا في هاد التحديث ولهاد الوقت الحالي ، نصيحة مني ابني شركات قدر الامكان ركز على البناء أكثر من التطوير رح اعطيك خطة حلوة بتفصيل لما نجي لوضع الشركات..

الإدارة : وهي بتتعلق بموضوع توظيف العمال ،
كل ما زادت الادارة عندك زادت النسبة المئوية تبع الانتاج بحيث كل 1ادارة بيعطيك 2% انتاج وهاد الشي رح يفرق معك بزيادة الربحية من الموظفين ورح نفصّل اكثر بالشركات
لو خربطت بتقدر تضغط على رقم 2 اللي موضح بالصورة الاولى وتعمل إعادة تعيين المهارات بشكل مجاني

المحور الثالث 3/ التقدم وإنجاز المهام

اللعبة بتعتمد على المهمات الزمنية والانجازات حتى ترفع المستوى تبعك وتزيد مهاراتك وتقدر تبني اقتصاد اقوى وبنفس الوقت رح يفتحلك مجال أنك تشارك بقوة بالحروب مع دولتك مستقبلا ، بتصير محارب بتقاتل مع بلدك وهون بتبدأ متعة اللعبة ، لذلك حاول تبدأ فيهم وتنجزهم قبل نهاية وقتهم / حاليا سوريا عندها لاعبين اصحاب كفاءة وفاهمين اللعبة صح بتقدر تسألهم شقد مابدك بالديكسورد وبشات اللعبة

مارح فصّل أكتر من هيك بتقدرو تستكشفوه لحالكم الموضوع كتير بسيط ، خلي اولويتك للمهام اليومية وبعدها الاسبوعية ثم الشهرية وعندك مهمات جاري البدء والانجازات بتاخذهم مع مرور الوقت


المحور الرابع 4/ دليل إدارة الشركات والموظفين

هاد المحور من اهم المحاور اللي ممكن تهتم فيها بعد ماتفهم اللعبة بشكل صحيح ، ورح يكون جل تركيزك عليه

القسم الاول : ابحث عن وظيفة

بعد ماتختار وظيفة وتستقر المفروض تعتني بالموظفين وتشتغل كمدير بشركة الغير

وهنا بتكون توظفت كمدير .

القسم الثاني : الشركات

اختيار الانتاج الأربح
(توصيات وزير الاقتصاد حاضرة دائما )
في البداية رح يكون عندك شركة واحدة
و100 بلوكة تستطيع فيها بناء شركة ثانية ، حاليا اربح شي لهي الفترة انك تعمل انتاجك صيد سمك عادي و انتاج سمك
مشوي أو بتقدر تعمل شركة حديد وشركة فولاذ ولما تفتح الثالثة والرابعة كذلك الامر حاول تنوع مثلا شركة رصاص خام وشركة رصاص اخضر وهكذا ، ليش؟ (حتى تقدر تستفيد بشكل أكبر من المعدات العشوائية اللي رح تطلعلك بالمستقبل من صناديق الموظفين) منشرحها بعدين اكثر...


تطوير الشركات أم بناء الشركات

رح اعطيك أفضل تشكيلة
فتح أول 3 شركات
شركة 1 ←تطوير المحرك الآلي مستوى 2
شركة 2 ←تطوير المحرك الآلي مستوى 2
شركة 3 ← تطوير المحرك الآلي مستوى 2
لما تفتح الشركة الرابعة :
شركة 1 ← تطوير المحرك الآلي مستوى 3
شركة 2 ← تطوير المحرك الآلي مستوى 3
شركة 3 ← تطوير المحرك الآلي مستوى 3
شركة 4 ← تطوير المحرك الآلي مستوى 3
لما تفتح الشركة الخامسة
شركة 1 ← تطوير المحرك الآلي مستوى 4
شركة 2 ← تطوير المحرك الآلي مستوى 4
شركة 3 ← تطوير المحرك الآلي مستوى 4
شركة 4 ← تطوير المحرك الآلي مستوى 4
شركة 5 ← تطوير المحرك الآلي مستوى 4
لما تفتح السادسة والسابعة والثامنة والتاسعة طوّر محركات اول ست شركات للمستوى 6 وبعدها اجمع 2000ليرة و جهّز حالك للوضع الحربي واتبع تعليمات قادة الوحدة العسكرية بهاد الموضوع

غرف الاستراحة بريك روم

حاليا في مستواك الحالي لاتفكر ابدا بتوظيف أكثر من عاملين
في كل مرة تقوم بفتح شركة جديدة قم بتطوير غرفة الاستراحة الى المستوى 2 بحيث تتسع ل2 موظفين
شركة 1 ←تطوير غرفة الاستراحة مستوى2
شركة 2 ←تطوير غرفة الاستراحة مستوى2
شركة 3 ←تطوير غرفة الاستراحة مستوى2
شركة 4 ←تطوير غرفة الاستراحة مستوى2
شركة 5 ←تطوير غرفة الاستراحة مستوى2
شركة 6 ←تطوير غرفة الاستراحة مستوى2
شركة 7 ←تطوير غرفة الاستراحة مستوى2
شركة 8 ←تطوير غرفة الاستراحة مستوى2
لما تفتح الشركة التاسعة وتطور المحركات الآلية لاول ست شركات للمستوى6 .. عندك خيارين إما تكمل بالإقتصاد أو تبدأ مسيرتك الحربية ، طبعا كل مازاد إنتاجك كل ماقدرت تستمتع بالحربي اكثر /نصيحة اذا كان بلدك بحالة سلام طور شركاتك/
مهما كان خيارك... إما الحربي او الاقتصادي بعد ما تنتهي من الحرب رح ترجع لوضع الاقتصاد وتبدأ تطور شركاتك مرة تانية
وقتها بتطور غرف الاستراحة للمستوى 3 بجميع شركاتك , وبعدها فكر انك تفتح شركات أكثر شركة 10و11و12 ...الخ


ملاحظة هامة

اذا وصلت لهون بكفي اليوم احفظ المقال عندك وارجعله مرة تانية هاد المقال شامل ومومطلوب منك تفهمه بيوم واحد

القسم الثالث :دليل توظيف العمال

أهم فقرة بدها تركيز منيح ، اذا مافهمت ادخل ديسكورد الدولة ورح يشرحولك اياها بالتفصيل الممل

توظيف العامل

اختر الموظف الأصغر سناً
الأكثر إنتاجاً ومسؤولية , الحظ اقل اهمية

(شرح مهارات الموظف الثلاث (مثال عن الموظف الجيد

مهم تفهم هي الافكار بشكل بسيط حتى توظف صح

الخطوة الاولى
ادخل على اي شركة ورح تلاقي متل هاد الخيار

الخطوة التانية

الخطوة الثالثة
تدريب العامل
ضع بعين الاعتبار زملاء الموظف الذين يعملون في الشركة الواحدة (قد تظهر سمة جيدة للموظف ويستفيد منها زملاء العمل)

، هذه الصورة في الاسفل تظهر لك حالة الموظف كم ينتج ، كم لديه من المسؤولية ، درجة السعادة مرتفعة ام لا.

اختيار الاوراق الأربح

المحور الخامس والأخير

القسم الاول السوق الاساسي

1-
الصناديق عبارة عن قمار , في البداية بنصحك تجرّب حظك اذا كان زفت وماكان يطلعلك عتاد بنفسجي او اصفر او احمر وقتها لاتفكر انك تقامر فيهن وبتبيعهم بدون ماتطلع

2-
هي المحرمات دوليا مابتقرب عليها لحتى تقرأ دليل الحربي ويكون اقتصادك قوي /مسموح فقط اذا المهمات طلبت منك هاد الشي/ وبتقدر كمان تغيّر المهمة متل ماشرحت لو اضطر الامر

3-
بتقدر تنتج منهم وتبيع الرصاص الخام عاليسار والشركات اللي رح تبنيها بتقدر تختار اي انتاج بدك اياه وتنتجه طبعا كل نوع بيعطي قوة وفيه تكلفة انتاج مختلفة يعني السعر متناسب مع سعر التكلفة خليها

4-
مسموح تاكل خبز فقط

5-
مواد البناء أهم شي بالنسبة الك حاول تشتريهم وتطور متل ماحكينا
الحجر لتصنيع البلوك اللي بتبني فيه شركات جديدة
الحديد لتصنيع الفولاذ اللي من خلاله بتطور محركات الشركة وبتوسع غرف الاستراحة لتوظيف العمال


الباقي غير مهم لكن رح قلك انو النفط مهم بالنسبة لك حتى تتنقل بين الاراضي وتجمع الصناديق الخشب باقل التكاليف لذلك في البداية استفيد منه ولا تسرف فيه في مقال كامل بيشرح عنهم https://app.warera.io/article/6ab0318f95789d2c51e121d9

كيفية الشراء والبيع : موضوع سهل وبسيط : بتنقر على الايقونة اللي بدك تشتريها (خبز مثلا) وبتحط وضع مطابقة الاسعار , في عندك خيارين شراء لونو اخضر والبيع لونو احمر (ايقونتين فوق الشي ) مكتوبين بالانكليزي
buyشراء
sellبيع

القسم الثاني البيع والشراء في سوق الاسلحة يتبع... ماقدرت لحقه بسبب الظروف
ملاحظات النهاية رح اكتبها بعد فترة هاد المقال رح يتجدد ان شاء الله

الدليل التعليمي السوري الشامل - المستوى : متقدم ...قريبا

والسلام عليكم ورحمة الله وبركاته