انا لسه داخل اللعبة مكملتش اسبوع .. بس عندي مشكلة ان اللعبة حرفيا في الاول مش محتاجه غير ٥ دقايق كل ١٠ ساعات
بعدها ببقي نفسي اكمل في اللعبة بس مفيش حاجة تتعمل حرفيا
معظم اللاعبين الخبرة قالت ان المهم في الاول الاقتصاد
وعشان اطور مصانع او ابني مصانع جديدة محتاج ستيل او كونكرت
والستيل والكونكريت بفلوس كتير
يعني احنا محتاجين فلوس
لما بتيجي تبيع معداتك في السوق سواء سلاح او لبس
بتحاول تعرضه بسعر اقل ب 0.001 من اقل لاعب عارض في السوق
وده عشان يتباع اسرع
بس فيه لاعبين مش بياخدو بالهم من انهم يحطو السعر
وده بيخلي المعدة اللي عرضها سعرها في السوق 1.01
دورك هنا انك تفضل تقلب في السوق لحد ما تلاقي المعدات دي ومبروك عليك فرق السعر
معظم اللاعبين اللي بيعملو كده بيكونو لاعبين جدد ومعظم المعدات اللي بيحصل فيها اللغبطة دي بتكون المعدات الرمادي
وطبعا مش محتاج اقولك عنصر السرعة في الشراء مهم جدا لان تقريبا في ناس بتعمل نفس الموضوع ده
الموضوع ممكن يكون ممل شوية بس بيجيب فلوس حلوة