المقال الترحيبي

السلام عليكم

War Era مرحبتين بيك خونا المواطن في

هذا مقال ترحيبي يوريك الطريق شوي لعل وعسى نشدو بيدك في زحمة التفاصيل يلي في اللعبه هذي

شروط اللعبه

ممنوع تعدد الحسابات، حسابك هذا بس يلي خشيت بيه غير هكي بيجيك باند، هلبا ناس تبندت ومعاش قدرت تخش اللعبه.

الكلام الزايد في المحادثات (الشاتات) حتى هو عليه باند.

vpn ممنوع.

لو تبي تفتح مجموعه عائليه مع خوتك وعندكم نفس النت (الراوتر) كلمو سيرفر اللعبه في الديسكورد قبل، لأنه عليه باند.

ما تفتحش نقطه لصاحبك وتخشو عاللعبه الزوز راهو باند، صارتلي شخصيا لين كلمت سيرفر اللعبه في الديسكورد.

الأساسيات

المهام: عندك المهام اليوميه والأسبوعيه والشهريه ومهام جار البدء ومهام الإنجازات، فيه مهام يبن شروط معينه أنك تكون في لفل 5 أو 7.

الشركات: اللعبه تعتمد عالاقتصاد رقي شركاتك وطورهن واعرف شن تصنع وأمتى تصنع.

المهارات: المهارات نوعين اقتصاديه وحربيه، المواطن الجديد ضروري يهتم بالمهارات الاقتصاديه أول شي.

الأساسيات بالفيديو تلقوه هنا

https://app.warera.io/article/6a259357c7637906a7905e8f

وصيه

حبو بلادكم وألعبو بقلب نظيف ومشوها بالجو فكونا من العنصريه والأمور الواقعيه، احنى جينا هنا هاربين من الواقع ما نبوش حد يخرب علينا، واسألو السؤال مش عيب عادي، شات الدوله مفتوح للكل ما يقدر حد يمنعك.

خشو سيرفر الديسكورد بعدين ما تنسوش يا خوتنا ربي يحفظكم.