عنوان مؤجل

كل مرحلة ليها ظروفها، وكل عصر ليه احتياجاته. اللي كان مناسب امبارح ممكن مايبقاش مناسب النهارده. المجتمعات الناجحة مش هي اللي بتتمسك بكل حاجة قديمة، لكنها بتحافظ على مبادئها وتطوّر أدواتها عشان تواكب الواقع

لما الأعداد تكبر، والمسؤوليات تزيد، والمشاركة تتوسع، بيبقى طبيعي إن أساليب الإدارة واتخاذ القرار تتغير. لأن اللي كان بيشتغل في واقع بسيط، مش شرط يفضل مناسب لواقع أكبر وأعقد

وأي منظومة بتعتمد على أكتر من جهة، قوتها الحقيقية بتكون في إن كل جهة تعرف الصورة كاملة وتشارك في صناعة القرار. لأن المشاركة من غير معرفة، بتتحول مع الوقت لإجراء شكلي أكتر من انها مسؤولية حقيقية

الإصرار على إدارة واقع جديد بعقلية او ادوات قديمة، زي إنك تحاول تحل مشاكل النهارده بأدوات اتصممت لزمن تاني. يمكن كانت فعالة وقتها، لكن الزمن اتغير، والتحديات كبرت

التغيير مش تهديد للاستقرار، بالعكس.. أوقات بيكون هو الوسيلة الوحيدة للحفاظ عليه. أما رفض التطوير لمجرد إن "زمان كان كده"، فغالبًا بيخلّي الزمن يسبقنا وإحنا واقفين مكاننا