انا حبيت اعمل المقال ده للعدد الكبير من اللعيبة المصريين الجدد لتوضيح الوضع الحالي العالمي فالعبة من حيث التحالفات و العداء و الاستراتيجية بالذات لان فيه مقالات و مناقشات كتير عن الاقتصاد و المصانع لاكن السياسة مفيش يذكر
اهم قاعدة: افصل مبين الواقع و اللعبة
اولا الدول هنا مش شرط يكون مواطنيها نفس المواطنين فالحقيقة مثال لده ليبيا المكونة من لعيبة لاتينيين.
ثانيا مبادئ السياسة فاللعبة مختلفة تماما عن الواقع من حيث الاهداف و التاكتيكات
طب مصر او اي دولة بتكبر ازاي او اهدافها ايه؟
١. الموارد الاستراتيجية: هي المناطق الاهم فاللعبة لانها بتدي بونص تصنيع دائم للدولة المسيطرة عليها
٢. المناطق الكبيرة او الموقعها مميز من حيث وصلها بعاصمة الدولة مع مناطق تانية للاسباب الحربية
٣. التطوير و ده مهم و بيزيد ببطء و يعتمد علي عدد المناطق و المواطنين من حيث عددهم و اللفل بتاعهم
طب ايه هي الاطراف الدولية الموجودة و علاقتها ايه بمصر؟
فيه تلات انواع من الدول عموما
١. دول تحالف: و هي دول مترابطة بتدافع و تساعد بعض و احيانا يتابادلوا الاراضي بينقسموا لمجموعتين اعداء فحرب باردة هما
مجموعة دول المتوسط او تحالف الزيتون و هما مصر و تركيا و اليونان و ايطاليا و كرواتيا و اخرين
و مجموعة التحالف الاوروبي و اهمهم اوكرانيا و رومانيا و صيربيا و اخرين
فيه تحالفات تانية مهمة اقليمية منها الاتحاد الافريقي و الاتحاد الاسيوي و هي تحالفات مبنية علي مبدأ الدفاع عن القارة ضد غزاة من قررات تانية
٢. دول حيادية او دول مرتزقة: و هي دول بتتكون من لعيبة حروب اقوياء مش بيتحالفوا مع حد و بيحاربوا للفلوس فقط و اشهرهم السعودية
٣. دول البروكسي او المستعمرة: و هي دول عادتا بتبقي صغيرة اقل من ٢٠ لاعب بتكون حكومتها تتبع سياسيا لدولة اكبر و لهم فوائد تاكتيكية فالحروب و عددهم كبير و منهم المكشوف و منهم السري
ديه ادوات تساعدك تشوف وضع الدول: كويسة لاكنها مش مثالية:
https://francescoparadiso.github.io/warera-tactical-diplomacy-os/
https://crommvardek.github.io/warera-explorer/
و ده يا عزيزي يكون ملخص طبعا ينقصه تفاصيل كتير لاكن هيسمحلك تفهم البيحصل اوقات الحروب و السلم بشكل عام
النائب اك