من لاعب تايه إلى وزير ....وما جرى ويجري حاليا في المغرب

من لاعب تايه.. إلى وزير اقتصاد ووزير تعليم ونائب قائد وحدة عسكرية

البداية

أول يوم ليا فـ War Era، كنت تايه. دخلت لديسكورد، لقيت دراري مغاربة تواصلو معايا، شرحوا ليا اللعبة من الألف للياء. أول شخص التقيت به هو مستر سدي https://app.warera.io/user/69dc26daf8d47c04e5390f51 ، اللي كان كيستقبل اللاعبين الجدد فداك الوقت. كنت أنا وعبد الله دايماً كنسولو الأعضاء القدامى باش نفهمو اللعبةhttps://app.warera.io/mu/6aa2a0432cff7c0847b0fd62 مزيان بحكم أنانا بدينا لعبة فنفس الفترة

وأهم سؤال كنا كنطرحوه على أي شخص كان: **"كيفاش نكونو جزء من الحكومة؟"** والجواب اللي كنا كنسمعوه دايماً هو نفسه: **"كون نشيط، عندك دراية، وباقي اللاعبين يعرفوك

هاد الجواب كان بسيط، ولكن كان صادق. على عكس ما كاين دابا، اللي ولّات فيه المناصب كتعطى بالولاء ماشي بالكفاءة

أول خطوة فالعالم السياسي

من بعد مدة من اللعب، قررت ندير أول خطوة ليا فالمجال السياسي: **نكون عضو فالحكومة**. فداك الوقت، كان عندي اطلاع على أغلب تفاصيل القرارات، وكان المغرب ضعيف عسكرياً، حيت ماكانتش عندنا حتى شي وحدة عسكرية منظمة.

والفضل فتبديل هاد الواقع كيرجع لعبد الله ـ https://app.warera.io/user/6a0c9e26ae880baa0bc5017b ، اللي قدر يدخل ثقافة وضع الحربي، وكيفاش كيدار بالطريقة الصحيحة. جاب هاد الخبرة للمغرب عن طريق لقاءات مع رؤساء دول مختلفة، اللي عطاوه خبرة فهاد المجال.

وفداك الفترة تأسست ، اللي كانت فيها **25 لاعب** تدربو على وضع الحربي. ومن بعد توزعو هاد اللاعبين على وحدات أخرى، وولّى كل واحد قائد وحدة ديالو. وهكذا ولّيت نائب رئيس ثاني أقوى وحدة فالمغرب

مشكل نقل الخبرات.. والفرق بين الأمس واليوم

كان المغرب كيعاني من مشكل كبير: **عدم نقل الخبرات**. أي لاعب كياخد مقعد فالدولة، ما كانش كينقل خبرتو للشخص اللي كيجي من بعدو. هاد المشكل خدم عليه كل من **الرئيس، عبد الله، https://app.warera.io/user/69dc26daf8d47c04e5390f51 ومستر سدي**، اللي أرشدوني لـعند عبدو https://app.warera.io/user/69e7cb0e976e825684c57ff4 ، وزير اقتصاد سابق، اللي عطاني وقتو وشرح ليا كيفاش نسير المسؤوليات الاقتصادية ديال الدولة. ونفس الأمر تطبق فكل الوزارات.

وهادشي كيدل على أن الدولة كانت **كتسير بجميع أفرادها**، حيث كان لكل شخص مهماتو، ولكل شخص بديل. وهادشي هو اللي عطى الدولة وفرة فالأطر القادرة تسير الدولة بكل سلاسة مع مرور الوقت.

**وعلى عكس ما كنشوفو فالحكومة الحالية**، اللي قال رئيسها فمقال إنه غادي يوظف ناس عندهم كفاءة، ولكن فالحقيقة وظف أشخاص و رؤساء أحزاب موالين ليه. وهادشي الي خلا المقاعد وزارية كياخدوها أحزاب متألفة والي عمرو كان فالمغريب، بل كان كيتسير من طرف رجالات دولة وفقط، رغم اختلاف الانتماءات الحزبية اللي كانت شكلية بسباب سياسات اللعبة.

إن توظيف أطر غير كفأة خلق، كما كنشوفو حالياً، قرارات غبية وغير احترافية**، وكأن الحكومة متدربين فشعب.

الوطن.. ماشي غير تراب وحدود

بالنسبة ليا، **الوطن عمره ما كان غير تراب ولا حدود**. الوطن هو **العائلة**. الوطن هو **الصحاب**. الوطن هو دوك الناس اللي ضحكت معاهم، وتفقست معاهم، وتعلمت معاهم، وبنيت معاهم.

منين دخلت للعبة، كانو جوج مسيرين هوما اللي كيديرو كلشي. ومنين بغاو يخرجو، **ما خرجوش بوحدهم**. خرجو معاهم دراري اللي علموهوم، واللي ضحكو معاهم، واللي كانو معاهم فكل لحظة. خرجو معاهم ركائز دولة الي سيروها لمدة طويلة فالوقت الي ماكونش فيه الي تتهموهم حاليا بالخونة

قرأة إتفاق البرتغال : استلام ولا سلام

بعد أن اتفقت الحكومة الحالية مع البرتغال على "سلام"، وعلى عكس ما يدعيه رئيس الدولة بأن أجواء الاتفاق كانت مبنية على احترام ظاهري، فإن الحقيقة أن المعاهدات والبنود تقول العكس تماماً. فلم يتم الاتفاق أبداً على عودة العاصمة، التي تعتبر أهم منطقة في المغرب. كما سيتم منح المغرب فقط الأراضي التي لا تحتاجها البرتغال، مع إمكانية تغيير توزيع الأراضي كل شهر حسب توزيع الموارد الأساسية. وهذا يعني أن المغرب يأخذ ما تريد البرتغال أن تعطيه، ومتى شاءت، ترجعه.

وبالإضافة إلى ذلك، خرج المغرب من تحالفه، ووُصفت صورته بأنه "خائن". والنتيجة أن المغرب واقف على جبهتين، ولا واحدة منهما مضمونة. فمن ناحية أولى، لن يحظى بدعم مادي ولا عسكري من حلفائه القدامى، لأنه أصبح خائناً ومنبوذاً عندهم. ومن ناحية ثانية، فإن البرتغال لن تعطيه ما يريد، بل ستظل تُملي عليه الشروط. وبمعنى آخر، أصبح المغرب مقاطعة برتغالية بسبب فشل الحكومة الحالية في المفاوضات. وهذا ليس خسارة حرب، ولا خسارة معركة، بل هو فشل سياسي، فشل في المفاوضات، وفشل في التحالفات، وفشل في القيادة.

خاتمة

إن ما يحدث الآن ليس نهاية، بل هو مرحلة صعبة، ولكن المغرب سيبقى، لأن المغرب ليس حكومة، بل هو نحن، فالمغرب سيعود.برجاله