التحديث - رؤوس اقلام

1️⃣ الحكومة

سابقاً جانت اخلاقيات الحزب هي الي تحدد توجهات الدولة اقتصادي او دفاعي او لا اخلاقي… الخ

حالياً توجهات الدولة تتحدد عن طريق التصويت بالكونغرس و اكو انواع للدول الريس او نائبه يشرحها

افضل

2️⃣ الجغرافية

من تضغط ع المنطقه يطلع عندك
القاعده العسكريه و مستواها ومشتغله او طافيه
الملجأ ومستواه واذا مشتغل او طافي
ونفس الشي بالنسبة لمركز التهدئة
و ايرادات المنطقة من التطوير
و عدد الشركات بالمنطقه

3️⃣الحروب

تغيرت واجهة الحرب شويه
صرت تكدر تشوف عدد الي تابع المعركة باخر 30 ثانيه
و تطلع علامه دبابه جوة علم الدولة العدو وعلامة مصافحة يم الدولة الحليف و علامة جمجمة اذا جانت الدولة مصنفة كعدو لدود

4️⃣ الشركات ، المهارات والعمال

١.الشركات

بعد ماكو بونص انتاج ، اعلى بونص هو بالدولة الام ، انقل كل شركاتك للعراق

٢. المهارات

مهارة ليدر: صارت بدال ريادة الاعمال
الليدر تحتاجها من توظف عمال ، كل عامل من توظفه عنده سمات او صفات ذني الصفات بيهن انواع تبدي من common و تنتهي ب Rare
وطبيعي كلما زادت ندرتها افضل الك ( مثل الاسلحة السجبنة common و الطيارة rare) وتطلعلك بشكل عشوائي

مهارة الادارة : تنطيك بونص +2 انتاج على كل عمال شركاتك وتكدر تطورها للماكس تنطيك +22 بونص

٣.العمل

١.الوظيفة : صرت تشتغل بوظيفة تكون مشرف عمال و حسب الراتب المعروض بعد الضريبة ، وتكدر تشغل ناس و حسب الراتب و المنطقة و نقاط الادارة ( هنا نستنتج انو كلما زادت مهاراة الادارة يصعد راتبك بالوظيفه ) و راتب الوظيفه بالساعه
شغلك تنطي سعادة لواحد من عمال الشركة كل 3 ساعات

٢.غرف العمال : كل شركة بيها غرف عمال تكدر تمكسها ب100 فولاذ تكفي 3 عمال لكل شركة

العمال

تنتبه اول شي ع العمر لان العامل يتقاعد بعمر 65

كل عامل اكو يم اسمه 3 علامات
اول وحدة علامة الفاس الي هي انتاجية العامل
ثاني وحدة علامة الرباط الي هي المسؤولية هاي تقلل من فقدان سعادة العامل بمقدار 10 ‎

ثالث وحدة علامة وردة : الي هي الحظ الي توفر زيادة نسبة انو تحصل صناديك بمقادر 5 بالساعة يعني 11 باليوم

عندك علامه الايموجي الي هي السعادة او الروح المعنوية للعامل تتأثر بضريبة الدولة (ضريبة العراق 8 ) تصير سعادته( 50-8= 42) ، بس عندك المسؤولية تزيده 0.8‎ فتصير سعادته 42.8

عندك نسبة مئوية باللون الاخضر ويمها علامه عملة معناها انو العمال الي بمثل صفات العامل مالتك ياخذون راتب اكثر منه بمقدار 14.7 ‎

اخر مربع عندك علامة العقل : هاي يعني انو حد التدريب لهذا العامل هو 4 مرات

صفات العمال

أ.عمال بدون شروط

العمال الي تشغلهم مرات يكون عامل عادي ماعنده شروط لا سلبيه و لا ايجابية وحسب كل عامل وعنده صفات اكو منهن مكتوبه يم اسمه و اكو تطلع علامة ❓ يعني من تشغل العامل يلا تعرف شكد الصفه مالته

ب.اكو عمال عدهم شروط

١.مثل صورة المخزن الاخضر هنا يكلك العامل ما يتأثر سلبياً اذا انترس المخزن ومافرغته ( وهنا نستنتج انو اذا انترس المخزن ومافرغته راح تقل السعادة مالته والي راح تأثر ع انتاجه)

٢.الصورة الثانية بالاحمر يكلك هنا العامل يبطل اذا وصلت سعادته 50 مو 30 ( وهنا نستنتج انو الحد الادنى لسعادة العمال هو 30 و لازم تحافظ عليه حتى

(مايبطلون)

٣.الصورة الثالثه بيها شرطين اول واحد تاج ذهبي هنا يكلك العامل راح يزيد انتاجه اذا انطيته راتب اعلى من راتب العمال الي يشتغلون ويا بنفس الشركة ، اذا مازيدت راتبه راح تنقص سعادته -10 ، و اذا جان وحدة بالشركة ما يتأثر بذني الشغلات

ثاني علامة بنفس الصورة هنا يكلك اذا اكو عامل ثاني بنفس الشركة من جنسية ثانيه غير جنسيتة راح تقل انتاجيته بمقدار -2 و تقل سعادته بمقدار -5 ، يعني اذا جنسية هذا العامل عراقي و شغلت ويا واخد كويتي

راح يتنحس وتقل انتاجيته و سعادته ( تره حقة)

والصفات او سمات للعمال تعتمد ع الحظ مثلا هنا بالصورة الثانيه اختاريت عامل عنده علامة استفهام ورة ما اشتغل طلع عنده خاصية ع شكل طيارة ✈️ هنا ينطيك +2 بونص انتاج اذا يشتغل خارج بلده ، يعني اذا هو الماني و يشتغل بشركتك الي بالعراق راح ينطيك بونص +2

امور تأثر ع سعادة العامل

من تبطله من الشركة باقي العمال ينقصون من سعادتهم 5 لمدة يوم كامل

من تنقله لشركة ثانيه ينقص من سعادته 5 لمدة اسبوع

ضريبة الدولة تنقص 1 من السعادة لكل 1 ضريبة
يعني 8‎%‎ ضريبة = -8 سعادة

الحروب تأثر ع السعادة واكو احتمال يسلمها تراب

………………….

اكو بعد امور بالتحديث بس مصار وقت انو اشتغل عليها وهذا الي كدرت اسوي رؤوس نقاط للتحديث حتى تاخذ راس خيط و بعدها تنطلق

وحتى اذا خطأت بعامل او مهارة او خسرت فلوس عادي مو نهاية العالم كلها لعبة ، اخطأ حتى تتعلم

المقال قابل للنقد و التنقيح