رسالة إلى كل لاعب إيكو

يا شباب مصر العظيم

الكلام ده موجه لكل بطل لسه مقضيها تجميع واقتصاد وواقف على الحياد.

لعبة "وار ايرا" مش لعبة تجميع فلوس! اسم اللعبة لوحده كفاية
يعني عصر الحرب، مش عصر تجميع الفلوس والمصانع وخلاص!
الخطة الاقتصادية اللي إنت ماشي بيها دي المفروض ليها سقف ومستوى معين، بتعملها بس عشان تلم قرشين وتجهز نفسك عشان تحول وار بيلد

لكل اللي لسه مجربش النظام الحربي في اللعبة.. حقيقي فايتك كتير جدًا! متعة اللعبة الحقيقية والإثارة كلها في الحروب والمعارك، مش في قعدة المصانع.

معندكش وقت؟ الموضوع أسهل مما تتخيل!

عشان نشيل الحجة دي خالص؛ الموضوع مش محتاج منك تفرغ ولا وقت طويل: • كل المطلوب منك تتابع التعليمات على الديسكورد. • لما ينزل أوردر حرب، بتدخل تضرب البيلد بتاعك وتخلص ضرباتك. • العملية دي بتتكرر كل 3 أو 4 ساعات، يعني الموضوع كله مش هياخد من وقتك 10 دقائق.. بالظبط زي الوقت اللي بتدخله عشان تجمع إنتاج مصانعك!

بناءً على ده، وعشان المرحلة الجاية مفيهاش هزار

الخطر الألماني يقترب.. ودفاعنا عن الحلفاء هو دفاع عن مصر

حابب أفكركم إن الحرب مع ألمانيا بقت على الأبواب، ولو إنت متابع الحروب اللي شغالة حالياً في السيرفر، هتعرف إن ألمانيا بتحاول بكل قوتها توقع فرنسا وايطاليا وباقي الدول الحليفة عشان تفتح لنفسها طريق لأفريقيا وتوصلنا. مش معنى إننا بنحارب مع دول حليفة برة أرضنا إننا بنضيع مجهودنا أو قوتنا في الفاضي، بالعكس.. إحنا بنحمى حدود مصر وأرضنا الحبيبة برة قبل ما الخطر يوصلنا لحد هنا.

محتاج مساعدة؟ أي حاجة عاوز تعرفها مهما كانت بسيطة أو تافهة في نظرك، ادخل فوراً على الديسكورد وهتلاقي كل الرجالة هناك واقفين ومستنيين يساعدوك ويظبطوا معاك البيلد.

مفيش وقت للمشاهدة.. البلد محتاجة كل دراع لفل 20 فما فوق.