علاش البرتغال عمرها ما غادي ترجع لينا العاصمة بالمفاوضات 🇲🇦🇵🇹؟

الجواب على هاد السؤال واضح، ولكن بزاف ديال الناس باقين ما فاهمينوش. كاينين جوج أسباب: واحد مباشر وواحد غير مباشر.

السبب الأول هو ميكانيزم اللعبة (Game Mechanics) اللي فارض علينا نكونو يا إما أعداء، يا إما خاضعين ليهم. علاش؟ ببساطة حيت البرتغال كتقلب على التوسع فـ إفريقيا.

إيلا شفنا توزيع القوى فـ خريطة War Era:

أمريكا الجنوبية: مسيطرة عليها البرازيل.

أمريكا الشمالية: مسيطرة عليها الشيلي وحالياً داخلة السويد على الخط (مناطق بعيدة علينا نسبياً).

أوروبا: كاينين البرتغال وألمانيا؛ ألمانيا ما مهتماش بالتوسع الجغرافي، بينما البرتغال دولة عندها عقيدة توسعية. وبما أنها حليفة لإسبانيا، وماتقدرش تطلع لفرنسا أو بلجيكا حيت كيخصها خط اتصال (Link) باش توصل، فالمسار الوحيد والمنطقي للتوسع عندها هو إفريقيا.

وهنا كنرجعو للمشكل الحقيقي:

عاصمة المغرب كتمثل بوابة العبور للقارة الإفريقية، وهي الـ Link الاستراتيجي اللي كيعطيهم الإمكانية لغزو باقي الدول وجمع البوانيص (Bonuses). التفريط فـ العاصمة كيعني البرتغال تقطع الشريان اللوجستي ديالها بيدها، وهادشي عمر دولة محتلة ما غادي تديرو باختيارها.

بالمختصر المفيد:

إيلا بغيتو العاصمة ترجع بـ "المفاوضات السلمية"، عندكم جوج خيارات لا ثالث لهما:

تقنعو البرتغال تبدل عقليتها ومتبقاش دولة استعمارية.

يفقدو الاهتمام والشغف باللعبة وينسحبو.

أي كلام آخر عن اتفاقيات ودية دابا راه مجرد بيع للوهم وأحلام يقظة.