اكو هوايه لاعبين ديواجهون صعوبه بالاقتصاد وشلون يبدون ببناء الشركات وشلزن يكبرون اقتصادهم، والاغلبية ديركزون عالقتال مجرد يبدون يلعبون وهالشي كلش خطأ، حتى تهجم هجوم قوي تحتاج فلوس واقتصاد قوي وهالشي يحتاج تخطيط وصبر:
١-أبدا بالموارد الأساسية
بالبداية افضل شي هو تركز على انتاج مواد خام مثل حجر خام او حديد، هاي المواد تكون كلفتها اقل وتساعدك على بناء اساس انتاج ثابت وقوي
٢-أبني سلسله انتاج
اللاعب الذكي ميبيع المواد الخام لانها رخيصه بالعكسيحاول يحولها الى مواد بناء لان قيمتها اعلى
٣-لتتوسع بسرعه
هوايه من اللاعبين يحاولون اول مييدون يفتحون شركات هوايه وهالشي رح يسببلهم مشكله بالسيزله وميبقى عندهم اي رواتب للموظفين بالعكس قبل متفتح شركه جديده حاول تطور الشركه الي عندك حتى يزيد انتاجك
٤- راقب السوق بشكل يومي
اسعار المواد تتغير بسرعه، حسب المعطيات، اذا شفت السوق واكف لتبيع خزنهم عندك لحد ميرجع السوق يمشي وبيع حتى تستفاد
٥- واخيرا
حاول تستثمر فلوسك بذكاء مثلا كل ماربحت فلوس حاول تطور بيها شركاتك حتى يزيد إنتاجك ومن رأي مانصح اي لاعب جوه مستوى ١٠ يوظف عمال لان مرح يستفاد .