شرح شامل للمبتدئين 📝
بسم الله الرحمن الرحيم
: War era لعبة
اللعبة عبارة عن لعبة استراتيجية و جيو سياسية بهدف فيها الي تكوين اقتصاد قوي و تطوير عتادك العسكري للمشاركة في الحروب الخاصة بالدولة و الوحدة العسكرية٠
اللعبة بتحتوي علي اسلوبين لعب
Eco - war
النهاردة هشرح الاسلوبين بشكل مبسط و امتي تختار واحد منهم ٠
Eco
هو أسلوب لعب الاقتصاد وتطوير و انشاء المصانع لإنتاج مادة خام او منتجات أو الاتنين و بيكون أسلوب اللعب في البداية ٠
اول ما تفتح اللعبة هتلاقي عندك خانة المصانع
دي بتبقي الباب بتاعك في الاقتصاد اللي من خلالها بتقدر تنشئ شركات و تطورها و هفهمك الطريقة٠
لما تضغط عليها هتلاقي فوق خيار وظيفة
زي ما انت شايف في حاجة اسمها سوق العمل دا بيعرفك اهم حاجة و هي نطاق الأجور المعروضة من أصحاب الشركات عشان تختار عقد عمل بأجر مناسب فوق الحد الأدنى أو مش اقل من ٠.١٢٥
بتحاول تختار شغل مع شخص لفل عالي و يكون عرض اجر كويس ومناسب٠
الشركات
زي ما انتم شايفين دي شركة فولاذ بس زي ما انتم شايفين النسبة علي الانتاج قليلة ٥ في المئة و دا رقم قليل جدا طيب ازاي ارفعها
السبب في الموضوع ده مكان الشركة كل بلد يتحدد نسبة بتزيد و تقل حسب وضع الدولة السياسي و قوتها٠
بتعمل الخطوات اللي في الصورة بالترتيب هتلاقي ظاهرلك اماكن تنقل ليها الشركة ٠
هتلاقيه مقترح عليك لوحده افضل مكان لنقل الشركة بيكون بيديك نسبة عاليا ٠
بتختار الاماكن اللي مفيش عليها نزاع يعني اي ؟
يعني دولة أرضها ملكها لوحدها و مفيش عليها خلاف أو حرب بتلاقي علم لوحده زي في الصورة ٠
طيب كدا خلصت الشركة ازاي تطورها ؟
انت بتطور في البداية فقط محرك العمل التلقائي يعني أن المصنع ينتج لوحده دون الحاجة للعمل ٠
اللي بيكون زي علامة ترس دا بتطوره حسب عدد المصانع عندك ٠
يعني لو عندك مصنع واحد يكون لفل 1
لو مصنعين يكون لفل 2
ثلاثة مصانع يكون لفل 3
و هكذا لحد ما توصل 6 مصانع المستوي 6 انت هنا مرتاح اقتصاديا
Level Up
ازاي تطور مستوي حسابك بسرعة في البداية ؟
اللعبة في اخر تحديث أضافت ميزة جديد المهام الشهرية و اللي بتديلك إجمالي 2000 اكس بي و دا رقم كبير في البداية ٠
ازاي تعمل المهام ٠
بتفتح الخانة دي من الصفحة الرئيسية بعدها بيظهرلك قائمة من المهام ٠
زي ما انتم شايفين في خانة اسمها البداية دي بتكون مهام سهلة جدا بتخلصها في البداية بتخليك تتطور بشكل سريع٠
رقم 1
دي بتعملها كل يوم بتتجدد بشكل تلقائي ٠
رقم 2
دي بتبقي كل اسبوع بتديلك اكس بي اكتر و بتكون مهام اصعب شوية ٠
رقم 3
دي بتبقي كل شهر تم اضافتها للعبة في اخر تحديث بتديلك اكس بي كتير و مهامها مش صعبة نسبيا بس بتاخد وقت ٠
رقم 4
علامة الزهر دي بتخليك تغير المهمة لمرة واحدة ببلاش لو كانت صعبة و بعدها بتكون بفلوس ٠
رقم 5
دي بتكون لما بتعمل ٧ مهام بتبقي جائزة لازم تجمعها بشكل يدوي ٠
بكدا بتكون عرفت ازاي تعمل مصانع و تطول اللفل بتاعك صدقني هتقدر توصل لفل عالي بشكل سريع خصوصا مع التحديث الجديد ٠
War
طور الحرب دا بيكون من امتع النقلات اللي هتعملها في اللعبة بيكون مشاركة مع الدولة في الحروب و الانضمام لوحدات عسكرية و التطور و إثبات نفسك في ساحة الحرب ٠
امتي تحول وار ؟
زي ما قلنا بعد ما خلصت الاقتصاد و وصلت ٦ مصانع لفل ٦ ساعتها تقدر تحول وار و انت متطمن ٠
ايه اللي بستفاده من الوار ؟
طور الحرب بيخليك تستفاد من حاجات كتير أهمها انك تفهم نظام اللعبة بشكل أفضل و تعرف تحلل الأوضاع السياسية و العسكرية غير كدا المشاركة في الحرب بتخليك تتطور من الرتبة العسكرية الخاصة بيك و كمان لما تشارك في الحروب بتدخل جيفواي تابع للدولة علي جوائز و كمان بتحقق إنجازات و بتاخد شارات في حسابك ٠
ازاي تحول وار ؟
في البداية في إجراء بسيط لازم تعمله طبعا انت موزع كل مهاراتك في البداية في الاقتصاد و انت محتاج تحول وار بتدخل علي المهارات و بتعمل إعادة تعيين
دا بيكون في البداية ببلاش لو عملتها اكتر من مرة ساعتها بيكون بفلوس زي في الصورة ٠
بعد ما تعمل إعادة تعيين المهارات ٠
بتدخل علي اللينك ده ٠
https://warera-buildopt.pages.dev/buildopt/?i=3
دا موقع بيعرفك اي انسب مكان تحط فيه النقاط و ادوات
لما تفتح الموقع هتلاقي القائمة دي قدامكو بتعمل الخطوات دي
تكتب اسمك في خانة
Username
بعدها بتختار
Min-max bulids (real market)
بعدها بتختار
Sustainable
بعدها بتختار في النهاية
Run min-max simulation
: ملحوظة
Sustainable كلمة
معناها الحرب باستدامة يعني أنك تحارب دائما من غير ما ترجع تلعب اقتصاد و دا شئ حلو عشان مش بيحتاج ترجع اقتصاد و تصرف فلوس عالفاضي و مجهود ٠
لما تخلص الخطوات دي بيظهرلك الآتي ٠
دي النقاط اللي انت محتاجها بتحطها بالظبط زي ما بيقولك ٠
كدا انت خلصت المهارات فاضل بس البيلد بتاعك اللي هتحارب بيه
بتدخل تاني علي نفس الموقع
رقم 1
اكتب اسمك و اختار حسابك
رقم 2
اختار
Gear check
رقم 3
دي بتكون بونص الحرب يفضل تخليها علي % 75
رقم 4
بتختار
Run min-max simulation
: هيظهرلك القائمة دي
بتختار زي ما كاتبلك بالظبط من غير اي تعديل ٠
: ملاحظات هامة جدا
لازم تشتري الحبوب و تستخدمها و اهم حاجة اوعي تشتري اغلي أو ارخص من اللي هو كاتبه عشان لو اغلي هتخسر فلوس أو ارخص مش هتحقق اعلي فائدة٠
دا كان شرح النهاردة اتمني يكون عجبكم و بالتوفيق للناس كلها
في النهاية
لو محتاج اي مساعدة أو معلومة
دا جروب الحزب الحاكم
#party-party-8ce0fcd7
و دا لينك ديسكورد الحزب
كان معكم
عمرو اديب