المقال:
في الأيام اللي فاتوا، درنا تحليل لحسابات اللاعبين الليبيين وللشرذمة الهواة اللي مسميين رواحهم "مسؤولين"، وطلعت لـنا مشكلة كارثية:
"ليبيا ما عندهاش لا قوة عسكرية ولا مادية"
في زمرة مسمية رواحها قيادة في ليبيا، قاعدة تصنع في أعداء وهميين وتبيع في وهم (سودان - تركيا) أو يسوقوا في اسمي كعدو، والهدف كله تجميع أصوات وشحن بروبـاغاندا قومية كـاذبة. حتى إنهم عايشين الدور ومدايرين رواحهم جهاز استخبارات ومنزلين مقالات تضحك. والمضحك أكتر إن هالأمـيين مازال حتى كيف يرفعوا صورة في المقال ما يعرفوش!
أنا نشوف في لاعبي شعب ليبيا العظيم كيف يعانوا؛ مئات اللاعبين ثروتهم ما وصلتش حتى 2000 gold، عايشين زي اليتـامى. وفي المقابل، "رئيس الاستخبارات" المزعوم ياخد في الإذن والتعليمات من دول زي مصر (وحتى من تركيا اللي يسب فيها في العـلن)، وما يدير في شيء إلا إنه يستـعبد في ليبيا ويسلم فيها للدول التانية.
مش عارف هو قاعد يلعب في Role play ويضحك على روحه، ولا فعلاً مصدق إن عنده قيمة في اللعبة؟ لكن الواقع يقول إن ليبيا قاعدة تبكي، وإمكانياتها تضيع في يدين فـاشلة.
تعالوا نحكوا بلغة الأرقام:
اللاعبين الليبيين اللي ثروتهم فوق 10K ينعدوا على صوابع اليد الواحدة.
الـ Damage point (نقاط الضرر) للبلاد طايحة في المـنحدر.
الإنتاج في البلاد صفـر.
الضرائب والخزينة مش موجودات أصلاً.
ما فيش ولا كتيبة عسكرية Elite (نخبة) في البلاد كلها إلا الكتيبة العظمى امتاعنا أحني!
ساهل تبيع القومية والشـعارات في اللعبة، وساهل تدير سياسة الهـمـبركة الكـاذبة. نوضوا واصحوا يا شعب ليبيا، أحني ما نبوش كراسي ولا مناصب! اصحوا ضد اللي مقيدينكم بالـسلاسل! نوضوا يا ولاد وعيال عمر المختار!