(إعلان الترشح للكونجرس – للدورة الثانية)

السلام عليكم ورحمة الله وبركاته،

شعب مصر العظيم… أهلي وإخواتي وسندي في كل معركة،

أنا أخوكم "الدولار الكارف"

من شهر، وقفت قدامكم ووعدتكم إن صوتكم مش هيكون مجرد رقم…
ووعدتكم إني مش جاي أدور على سلطة… أنا جاي أشتغل وأصلّح.

والنهارده، بفضل الله ودعمكم، أقدر أقولكم:
إننا حققنا اللي وعدناكم بيه.

استلمنا كونجرس ملوش صوت…
كان مجرد صدى لقرارات بتتقاله، يقول “نعم” يقول “نعم”، يقول “لا” يقول “لا”… بدون فهم ولا نقاش.

لكن النهارده؟
الوضع اتغير.

وقفنا في وش الضغوط…
ومنعنا أي تدخل في شؤوننا…
وفرضنا إن مفيش قرار يعدي غير بعد شرح ومناقشة وفهم.

النهارده الكونجرس بقى له هيبة…
بقى له عقل…
وبقى سلطة حقيقية بيتعملها ألف حساب.

وده ماكنش سهل…
دي كانت معركة، واتحاربت بكل قوة…
لكني وقفت و حارب و انتصرت بفضل الله.

والنهارده، أنا مش جاي أقول “هعمل”…
أنا جاي أكمّل اللي بدأناه.

هدفي في المرحلة الجاية واضح:

نحمي اللي اتبنى… ومش هسمح لحد يرجعنا خطوة لورا.

نقوّي القوانين… ونقفل أي ثغرة ممكن تُستغل ضدنا.

ونخلي صوت الشعب أعلى من أي منصب… وأقوى من أي سلطة.

أنا مش بدور على منصب…
أنا بدور على تأثير.
أوعدكم إن اللي فات كان مجرد بداية…
وإن اللي جاي هيكون أقوى.

وفي الآخر…
هفضل دايمًا الباب المفتوح لأي حد مظلوم أو عنده مشكلة.

"الفرق بيني وبين غيري… إن غيري بيوعدكم باللي هيعمله،
أنا بكلمكم عن اللي عملته فعلًا."

اختار صح… لأن صوتك بيفرق.

والسلام عليكم ورحمة الله وبركاته