ايه هو أعلي منتج مربح في السوق؟
اتكلمت بالتفصيل في المقال اللي فات عن ازاي البونص بيشتغل و ازاي بتطلع المنتج الرابح أو الخاسر في المقال ده هنحاول نختصر الطريق علي كل اللاعبين اللي مش بيحبوا الكلام الكتير و نقول الطريقه بكل بساطة
حضرتك هتدخل علي الموقع ده
https://arcana.warera.wiki/
بعدين تختار
Wage Compendium
بعدين تنزل تشوف ايه هو اعلي منتج تقدر تحط فيه اجر عالي
هنلاحظ أن حاصل علي المركز الاول الفولاذ بأجر 0.132
يليه الرصاص اجر 0.130
فـ حضرتك بأختصار شديد هي دي المنتجات الاعلي ربحاً في السوق في الوقت الحالي بتاريخ 11/4 الساعه 10:51 مساءً
ملخص سريع
............................
الفولاذ هو اعلي ربحاً حتي لو حضرتك اشتريت المواد الخام من السوق و بعت الفولاذ من غير تصنيع حديد في الشركات بتاعتك بردو هتكسب .
ده ربح الفولاذ حالياً مع مستوي رابع من
AE
(مركز اول)الربح ده بعد خصم تكلفه شراء الحديد
ده ربح الرصاص حالياً مع مستوي رابع من
AE
(مركز ثالث)
لحد هنا حضرتك تقدر تقفل المقال و تشوف مقال تاني تقرأه لأن خلصت الفكرة الرئيسية اللي جاي هيكون للناس اللي بتحب زيادة المعلومات مش اكتر
.....
طيب فيه ناس هتسأل ليه الحديد المركز الثاني من حيث قيمه الربح بعد الفولاذ و انا مذكرتوش ؟
ببساطة : البونص الخاص بالحديد مؤقت يا صديقي و دي المشكله الرئيسية اي منتج عليه عداد توقيتي البونص متعتمدش عليه في تجارتك ده من وجهه نظري انا فقط و حضرتك تقدر تتفق معايا أو تخالفني عادي جدا كلها استراتيجيات و عقليات مختلفه .طيب ليه أنا مقتنع بالفكرة دي ؟
بعيداً عن فكرة انك بتخسر تغيير فرق المناطق ب تقريبا ٧.٥ جولد كل ما الوقت بيخلص بس ده مش سبب رئيسي .
بس كل ما الوقت بينتهي بتضطر تغير لمنطقه تاني يكون فيها بونص تاني او نفس البونص و ده طبعا بيعمل معاك عجز في نسبه الجولد بتاعتك زي ما ذكرنا فوق فـ لو حضرتك عندك عمال في المصنع بتاعك ده فـ هيكون فيه خلل في توازن الجولد اللي داخله لحضرتك و تكلفه العمال و حرفيا لو حضرتك كنت كسبان بـ بونص ٦٠٪ و البونص ده مؤقت و مشغل ٤ عمال هتصبح الصبح تدفع لكل واحد مرتب و مش هتلاقي البونص لانوا كان مؤقت و الربح هيتقلب خسارة فـ علشان نتغاضي المشاكل دي كلها ابعد عن اي منتج مؤقت في البونص بتاعوا و ركز في البونصات الثابته
السبب الأخير أن انا مواطن مصري و الرصاص يعتبر من افضل ٣ منتجات في الربحيه حالياً و أتوقعه له ارتفاع كبير خلال الفترة القادمه ممكن الفرق ميكونش واضح خالص لأن الاسعار متقاربة لكن ده فعلا سبب من ضمن اسباب ذكري لـ الرصاص كسلعه رابحه في السوق .
نصيحة بعيدا عن المقال ( تقدر تعين موظفين في شركات المواد الخام فقط لأنها ثابته في البونص و مش متقلبة زي المواد المصنعه ) و بحكم أن الصناعات مثل الفولاذ و السمك المطبوخ و الخبز متقلب في الأسعار في مش هنحط فيه موظفين لأن الموظفين سلاح ذو حدين إما أن تكسب منهم أو يتم سرقتك و انت لا تدري بالأساس.
دمتم سالمين يا مواطنين الشعوب جميعاً
تحياتي
Abo_Ali