قناع التغيير المزيف: علاش ترشح زكرياء ماشي تبديل حقيقي ولكن غير إعادة تدوير للفشل؟

بقلم:يقول ما لايراه الاخرون

المسرحية ديما كتعاود والوجوه كتبدل، ولكن الخيوط باقة شادينها نفس الناس اللي كيتحكمو من اللور ومخبين مورا الستار. اليوم، كيخرجو لينا المترشح زكرياء وكيزوقو فيه باسم "الاستقرار" و"التجديد"، ولكن الحقيقة اللي عارفها كل واحد فينا هي أنه مجرد واجهة جديدة لهاد الحكومة الفاشلة، ومحطوط غير باش يضمن استمرار نفس اللوبي اللي هلك البلاد ومص دم الشعب

حصيلة كارثية ودبلوماسية عمياء: وزير الخارجية اللي ورّط البلاد

قبل ما يبدا زكرياء يفرّق فالوعود الخاوية، يجاوبنا أول حاجة على الحصيلة ديالو كوزير خارجية فهاد الحكومة الحالية ؛

جرّ البلاد لحرب خاسرة مع البرتغال: كون كان وزير خارجية كفء وعندو حنكة دبلوماسية، كاعما يدخلنا فمستنقع حرب ضد البرتغال بلا استراتيجية ولا استعداد؛ قرارات ارتجالية ورطات المغرب واستنزفت الموارد ديالنا بلا

.حتى فايدة وطنية

غياب الرؤية وتهميش الطاقات الجديدة: فعندو شفنا غير الدبلوماسية العشوائية والعزلة، وتهميش تام للشباب واللاعبين الجدد اللي كان خاصهم دعم وتأطير، بينما الموارد كتمشي فحروب ومغامرات مدروساش

فاقد الشيء لا يعطيه: واحد فشل فتدبير ملفات العلاقات الخارجية وجاب لينا صداع الرأس والحروب المجانية، كيفاش باغي يسير بلاد كاملة ويقودها للنهضة والتوسع؟ هادشي كيبين بلي معندوش كفاءة وقرارو ماشي فإيدو.

.بيدق كيحركوه صحاب النفوذ

الترشح ديال https://app.warera.io/user/6a4b098fe1497b353afc4cf2 راه ماشي تغيير جدري، بل هو محاولة صريحة باش يبقاو نفس الناس اللي فكواليس الحكم شادين زمام الأمور ومخبيين مورا وجه كينفذ ليهم الأوامر. زكرياء هو الاستمرار المباشر لسياسة التهور والتنازلات، والاعتراف بيه كيعني أننا كنعطيو جائزة لمن ورّط البلاد فحروب فاشلة باش يشد الرئاسة كاملة

البلاد مبقاتش محتاجة لموظف كينفذ التعليمات اللي كتجيه فالتلفون وكيجرنا للمشاكل، محتاجة لقائد حر، ولد الشعب، اللي عندو الشجاعة والتحالفات القوية باش يقطع مع هاد العبث ويسترجع الهيبة والأراضي ديالنا. جا الوقت باش نعيقو ونطيحو هاد الأقنعة المزيفة