شنو تسوي بعد النظام الاقتصاد الجديد حتى تستمتع

عندك خيارين للدخل :

1. العمل بشركاتك بأستهلاك الطاقة

تخلي مهاراتك بالطاقة والانتاج وتختار منتج بي ربح عالي وتشتغل بشركاتك وتسترزق تطلع تقريباً وي المحرك الآلي فد 200-300 عملة بعد حسب عدد شركاتك وتطور المحرك الاآلي

1. توظيف عمال وتطويرهم بأستهلاك الطاقة

اكو ملخص اذا تختار طريق العمال ومالك خلك تقرأ انزل للآخر😉

توزع مهاراتك الاهمية للطاقة والادارة والباقي ع القيادة الليدرشب وتهمل الانتاج الادارة والطاقة اهم شي والانتاج ما تنطي ولا نقطة ميفيدك بعد

الادارة شنو راح تنطيك

1. تنطي بونص انتاج 22% لكل عامل بشركتك

2. تنطيك بونص انتاج 22% لكل عامل بالشركة الي تتوظف بيها عند حساب ثاني وهذا ينطيك بالمقابل راتب بس ما بي فائدة كبيرة دخل اضافي بجيبك ما خسران شي وفايد واحد ثاني


هسة نجي للشركة

اول شي انقل شركتك للدولة الام تنطيك بونص 5% انتاج لكل موظف

وبعدها طور غرفة الاستراحة لفل2 او ماكس اذا عندك امكانية

المخزن اختياري اذا عندك فلوس بس مستقبلاً حالياً مو مهم

وتنقل الشركة لدولتك الام

التوظيف

اولاً نوظف مدير

نختار كون مدير نقاط ادارته متوسطة او عالية وننطي راتب مثل السوق لا عالي ولا قليل المدير راح ينطيك بونص انتاج 22% اذا نقاط ادارته ماكس لكل عمال شركتك ويكدر يزيد سعادة الموظفين وبالتالي تزداد بونص الانتاج

هسة نشغل عمال

بتشغيل العامل لتعتمد ع راتبه شكد العمر أهم شي وما يظهر من الخواص مرات تبينلك انو شي مو زين عنده تكدر تكنسله السبب

اكو عدهم مهارات حمرة هذا لا توظفة

واذا ما لكيت بالاقتراحات الي تريدة اضغط على كلمه ريرول اولل تبدل العمال المقترحين او تنتضر كل يوم يتبدلون المقترحين

نجي للشركة هسة

صار عدنا عمال بالشركة اذا بصف الشركة الرقم موجب واخضر وضعيتك زينة اكو ربح وبعد نكعد نشتغل ع زيادتها

اما اذا بالسالب وحمرة نفس الاخ هنا عدنا مشكلة بالعامل لازم نحلها او نشحتة اذا ميفيد

شلون يتحدد العامل بي ربح او بي خسارة وشلون نزيد الربح عدنا اكثر من جانب مهم يحدد هذا الشي والجوانب هي :

1. المدير
2. الانتاج
3. بونص الانتاج
4. راتب العامل
5. المسؤولية (الربطة)
6. المهارات



نشرحهم وحدة وحدة

1 المدير

كلنا راح ينطيك بونص لعمال شركتك 22% بونص انتاج وهم ينطيك كير هذا يومية لعامل واحد ويخلص مفعوله بعد يومين فائدته يزيد سعادة العامل والسعادة اذا فوق 50 تزيد بونص انتاج واذا تحت 50 تقلل البونص
المدير ياخذ راتب بحدود 2-3 عملات باليوم حسب مهارة الادارة مالته وراتبه الي تعرضه الة

2. الانتاج

كل عامل توظفه عنده عدد انتاج هذا الرقم ناخذ مثال العامل فوق 👆🏻 الانتاج 3 يتقسم على اربعه وينطيك انتاجه بالساعة الوحدة يعني
3/4=0.75

تضرب ال 0.75*24ساعات اليوم =18
انوب تضيف البونص مال الانتاج 18*122.6%=22.068 هذا انتاج العامل هيج ينجمع انتاج العامل اليومي
نكدر نزين نقاط الانتاج من التدريب نشرحها لاحقاً

3. بونص الانتاج

ينجمع البونص مال الانتاج من
1. مهارة الادارة مالتك % 22
2. والمدير الي توظفه بالشركة %22
3. والمنطقة الي تخلي بيها الشركة لازم الدولة مالتك علمود تنطيك%5
4. الساعادة اذا تحت ال 50 او اعلى منه تنطي حالياً -0.4% لان سعادة هذا العامل 49.6
5. التخصص هاي ما اعرف شلون تجي عذروني
6. المهارات هاي حسب الموظف اذا عندة مهارات او لا

4. راتب العامل



اذا بالسالب واخضر وضعه تمام وحاول تخلي -10% وفوق
اذا صار موجب واحمر لازم تنزلة وتقلل لحد ما يوصل اخضر وفوك ال -10% علمود يصير راتبه مقارنتاً بعمله والسوق مناسب ويدخلك ربح زين الهدف نخلي كل عامل يدخلنا ع الاقل 5 عملات او اكثر

اهم شي يكون بالسالب راتبه

5. المسؤلية ( الربطة الوردية)

هاي كل نقطة وحدة تنطيك 10% اضافية للسعادة المفقودة بسبب الضرائب مال الدولة الي فارضيها ع العمال لان الضرائب تقلل من سعادة العامل دولتنا ضرائبها 6% فتقل سعادة العامل من 50 الى 44 المسؤولية الوحدة تنقص 10% من ال6 نقاط الناقصة من السعادة والسعادة تعرفون تأثر ع بونص مال الانتاج مال العامل وطبعاً المهارات هم تضيف على المسؤولية





6. المهارات

عدنا انواع هواي اكو مفيد واكو غير مفيد
المفيد تمام وضعه السيء حاول تتخلص منة الموظف الي عنده مهارة حمرة يعني سيئة ما يفيدك

اخوان السمام حاولو تترجموهن وتفهمون مرات اكو سمة يحتاج العامل ينقل او يشتقل بأعلى راتب من باقي العمال وهاي راح تفرق بأنتاجه بشكل كلش كبير واكو احداث يومية هم مهم تفهموها

ذني المهارات الحمر ما يفيدن الذهبيات وباقي الاوان بقي لا تطردة

الملخص
شنو تسوي

الشركة جاي تشتغل ع الترجمة بس تكمل راح تفهمون كلشي وخاصة السمات

1. انقل شركتك لدولتك الام

2. طور غرفة الاستراحة

3. وظف مدير عندة مهارة الادارة متوسطة او ماكس وانطي راتب مناسب مو هواي

4. وظف عمال الافضل ٣ للشركة الوحدة اختار العامل عمره صغير هذا اهم شي وانتبه ع خصاصه اذا بي خاصية حمراء سيئة لتوظفه ابد

5. بعد ما توظف العامل تضغط ع العامل اذا بي ربح تمام اذا خسارة تشوف المهارات اذا مو منهم تشوف الراتب اذا احمر من عندة المشكلة يعني لازم تقللة

6. بعدين تروح لنقاط الانتاج تشوفهم جوة ال 5 تحتاج تزيدهم عن طريق التدريب

7. تشوف السعادة اذا تحت ال 45 يعني اكو مشكلة ممكن من المهارات اذا من المهارات تحاول تزيد المسؤلية الربطة

8. وتشوف بونص الانتاج اذا تحت ال 50% لازم تتأكد من المشكلة يعني اما مدير ماكو بشركتك او عندة مهارة سيئة او سعادته ضعيفة هواي

عن طريق التدريب تكدر تعدل ع العامل مالتك وتطوره راح اشرحه بمقال ثاني

علمود توصل 5 عملات واكثر لازم العامل
انتاجه اليومي 80 نقطة عمل وراتبه اقل من 2.5 عملة


التدريب كلش مهم نسيت اشرحه عذروني راح اشرحه مقال منفصل