دليل المبتدئين التحديث الجديد + نصائح تمنيت لو عرفتها من بداية اللعبة
السلام عليكم ورحمة الله
اخي الكريم بداية اللعبة معقدة لكن صدقني بدك فترة قصيرة وبتفهمها لذلك خليك معي بالشغلة اللي عم اشرحها لأني رح رتبلك كلشي بتحتاجه بإذن الله
----------------------------------------------------------------------------
__________________________________________________________________________
أساسيات اللعبة
أ_المهام
ب_المهارات
ت_الشركات
ث_السوق
ج_المعارك
__________________________________________________________________________
المهام
من أكثر الامور اهمية في اللعبة لازم تركز كل لعبك عليها حتى تستمتع باللعبة وتصير مؤهل لتصير محارب لبلدك
عندك نوعين من المهام مهمات دورية وانجازات لعدة مستويات
المهمات الدورية رح رتبهم تبعا للأهمية لازم تركز عاليومية وبعدها اسبوعية وبعدها الشهرية وفي النهاية مهمات "جاري البدء"و
انا بعتبرها تحصيل حاصل يعني مجرد ماتكرج باللعبة بتكسبهم
خليها في بالك
_________________________________________________________________________________________
_________________________________________________________________________________________
_________________________________________________________________________________________
المهارات
لحتى تفهم العلاقة بين المهام والمهارات
المهام هي البانزين والمهارات هي السيارة
مابتقدر تطور نفسك بدون المهام ولاتتقدم
المهارات 3 أنواع
حربي واقتصادي وهجين
لا تتحمس من دخول للعبة وتحط حربي
طيب فرضا أنت أحطأت بالبداية بدون علم ماتاكل هم بتقدر تقوم بإعادة المهارات بسهولة وانا هون رح علمك كيف واشو شغلة كل مهارة
لما نضغط على رقم المستوى اللي ظاهر في اعلى الشاشة رح ياخدك للمهارات اللي شايفها بالصورة
الحربي ماتقرب عليه بعدين بتعرف ليش ولازم تركز عالاقتصاد فقط لتطور نفسك
رح نشرح مهمة كل مهارة اقتصادية
اهم شي لازم تركز عليه هو الطاقة ليش؟ لأنها مصدر اساسي لدخلك انا كمواطن بقدر اشتغل عند العالم وهي الطاقة تمثل قدرتي على العمل وكسب الفلوس منها وبعدها ابني شركات ورح نحكي في الفقرة
القادمة عنهم
ريادة الأعمال : نفس فكرة الطاقة لكن بدل ما اشتغل للناس بقدر اشتغل فيها في شركاتي كل 10 ريادة = انتاج معين
وكل 10 طاقة = فلوس عدد معين حسب الاجر
الانتاج: هو قدرتك على الانتاج في كل 10ضربات من الطاقة او الاجر
يعني كل ماكان انتاجك اكبر في كل ضربة رح يزيد دخلك من الفلوس وانتاجك
انا مابنصحك تعمل مثل مخططي الا اذا كنت بتفتح اللعبة ومابتخلي المخازن تفلل وبكل الاحوال خلي انتاجك 32 فقط مو اكتر وركز على الطاقة يعني مثلا
40 ريادة اعمال
100 طاقة
32 انتاج
شركات 5 او 6
الشركات هو العدد اللي بتقدر تفتح فيه شركات , بالبداية حاول تفتح شركات لحد 6 وتحاول تطور محركاتهم للمستوى 6
المخازن ماتقرب عليها مومهمة كتير
الصورة هي للتوضيح لوحبيت نظبطلك اعدادات كويسة على حسب مستواك كلمني خاص
الشركات وسوق العمل
مثل ماحكينا سابقا
الطاقة للعمل وكسب الفلوس
والريادة لزيادة انتاج المواد
طيب اشو مطلوب؟
اول شي لازم تفتح الشركة الاولى وتبيع فيها عناصر خام يعني مواد اولية مثل خشب حديد قطع وحاليا الحديد هو افضل خيار لذلك بنصحك تفتح حديد وبعدها بالشركة الثانية فولاذ
رح تختار مكانها تبعا للبونص , البونص هو نسبة مكافأة انتاج مادة معينة بتعطيك اياها الدولة اللي مسيطرة على انتاج هي المادة في العالم ولو كنت ناقلهم غلط بتفوت على الشركات من الشريط السفلي وبتحدد الشركة اللي ماعليها بونص وبتحددلها دولة فيها بونص قوي وخليك منتبه كل يوم للبونص لانه ممكن يتغير لأسباب كتيرة منها الحرب او غيرها
اذا لاحظتوا عندي عمال لكن انت كبتدئ لاتفكر انك توظفهم لحتى تفهم كيف تربح منهم وغالبا ماتقدر تسوي شي لانهم رح يخسروك في البداية تابع ديسكورد الدولة لنزودك بالمواقع اللي بتعطيك الارقام جاهزة وتكسب خبرة اللاعبين القدامى
الحديد هو اللي في الاسفل ولاتخربط بينه وبين الفولاذ اللي فوق
في الصورة
سوق العمل؟؟
هو السوق اللي بتلاقي فيه الوظيفة المناسبة لك
لازم تفهم انو في ضريبة على الراتب لذلك عندك رقمين والرقم الاصغر هو صافي الربح بعد الضريبة ورح يكون افضل راتب هو اول راتب ظاهر لك ولاتخلي حدا يضحك عليك ويعطيك راتب قليل لانه اهم مصدر لك كمبتتدئ مشان تطور شركاتك
اهم شي في مرحلة الاقتصاد هو تطوير الشركات
السوق مابتقدر تشارك فيه لبعد مستوى 7
حاول تقرأ المهمات كلها بوضوح وأي شي بيصعب عليك أسأل على شات الدولة حتى لو كان سؤال بسيط حاول تسأل لتفهم اللعبة اكتر وتشارك في العملية السياسية في الدولة لكن لاتتحمس فورا امشي السلم درجة درجة
طيب اشو هو السوق : هو المكان اللي بتعرض الناس فيها بضاعتها والاسعار هون مابيحكمها قرار فقط قانون العرض والطلب يعني متل عملة بلدك مافي مادة بتبقى ثابتة لانها بتتأثر بقوى العرض والطلب
مثل مو شايف هي عناصر اللعبة اللي بتنباع وبتنشرى فيها وكل شغلة رح تفهمها مع الوقت وانا نصحتك تشتغل على قطع الحديد لانها ربحها اعلى شي ولما الشباب يخبروك تغير لشيئ ثاني لازم تغير وحاول تتبع التعليمات لتصير مخضرم وتختار طريقك في اللعبة اما تاجر او محارب او سياسي او دبلوماسي..والقائمة تطول
هون مثلا اخترنا الخرسانة او البلوك
اما شراء BUY
واما بيع SELL
وضع مطابقة الاسعار بفيدك مشان تسرع عملية الشراء لان يمكن يتأخر بيعك او شراء وانت عم تنتظر او يمكن يطلب شخص تاني بسعر اقل منك لو بده يبيع او سعر اعلى لو بده يشتري
هي الصورة توضيح لكلامي السابق
الوحدة
اي شخص لازم يدخل وحدة عسكرية مشان تكسب المهام وتستفيد من الخبرات العسكرية اللي رح تساعدك بعدين في الحروب
واخيرا اذا كان مستواك اقل من 10 بتقدر تستفيد من 10 ليرات دهبية فورية اذا قمت بإحالة شخص ما وممكن تحيلني اذا انا كنت سبب بمساعدتك ولو بشي بسيط في اللعبة
بس بتكتب اسمي
Ali_Hk
ادخل الملف الشحصي----> في الشريط العلوي بتلقى الاحالات اكتبها ومبروكين عليك
ملاحظة اخيرة في خانات المهارات مثلا خانة الطاقة
في اول خانة يطلب منك 1 مهارة ثم 2 مهارات ثم 3 ثم 4 ثم 5
فعليا انت مابتكسب اكثر من 4 مهارات في كل مستوى لذلك انتبه لهاد الشي ولاتخلي مهاراتك متفرقة وتحطها بالحربي وتفكر انو مالها شغلة انتبه من هي الحركة القاتلة واذا كنت عاملها بالفعل لازم تغير مهارات باسرع وقت ممكن
وفي الختام نتمنى من اللاعبين العرب التوفيق والسداد اي سؤال او استفسار اكتبوه بالتعليقات جاوبكم
بتمنى تحط لايك اذا عجبك
