الجزائر قبل كل شيء 🇩🇿

في حربنا الاخيرة تأكد للجميع ان تحرير الجزائر في الوقت الراهن شبه مستحيل لكن المستحيل ما يبقاش مستحيل اذا بدينا نخدموا عليه من اليوم

لهذا لازمنا نبدلوا طريقة تفكيرنا ماشي كل مرة ندخلوا للحرب ونخسروا ونعاودوا نفس الشيء لازمنا نبنيو الاساس اولا ومن بعد نروحوا للتحرير بقوة وتنظيم

اول خطوة هي ان كل جزائري غيور على بلادو يحط الخلافات الشخصية والسياسية والاحزاب والاشخاص على جنب

الهدف تاعنا واحد والفكرة لازم تكون وحدة وهي الجزائر قبل كل شيء

ما يهمناش شكون كان مع شكون ولا شكون يختلف مع شكون اللي يهم هو مصلحة الدولة وقوتها وتطورها

اذا قدرنا نتوحدوا تحت راية واحدة ونخدموا بنفس الهدف نقدروا نحولوا الجزائر من دولة محتلة الى دولة قوية يحسبلها الجميع الف حساب

ثاني خطوة وهي الترويج للعبة وجلب لاعبين جدد

كل شخص يقرا هذا المنشور يقدر يساهم بطريقته في جلب لاعبين جدد للجزائر وكل لاعب جديد راهو مشروع قوة مستقبلية للدولة

لكن العدد وحده ما يكفيش

لازم اللاعب الجديد يدخل ويلقى ناس توجهه وتعلمه اساسيات اللعبة وتوريه كيفاش يفتح الديسكورد وكيفاش يفهم الاقتصاد والمهام والتطوير والتنظيم

يعني هدفنا ماشي غير نوصلوا لعدد كبير من اللاعبين وانما نبنيو لاعبين فاهمين ومنظمين وقادرين يساهموا في قوة الدولة

اذا قدرنا نوصلوا لعدد كبير من اللاعبين ونطوروا اغلبهم حتى المستويات المتقدمة وقتها ميزان القوى يقدر يتبدل بشكل كبير

التحرير ما راحش يجي بالامنيات ولا بالاندفاع

التحرير يبدا من اليوم بتعليم لاعب واحد ثم لاعب ثاني ثم بناء اقتصاد قوي ثم تنظيم اللاعبين ثم توحيد الصفوف

وكي نبنيو هاذ الاساس كامل وقتها نقدروا نرجعوا للحرب بقوة اكبر وبفرص اكبر للنجاح

الجزائر قبل كل شيء