**بوستر فيلم فلاح في الكونجرس**
يا أهل البلد و يا كل فلاح حاطط إيده في الطين وبيطلع خير للبلد...
أنا صميدة فلاح من قلب الغيط وداخل انتخابات الكونجرس المرة دي مش علشان أعمل فيها باشا ولا علشان أقعد على الكرسي وأنسى اللي جابني.
أنا داخل علشان الفلاح يبقى ليه صوت.
سنين وإحنا بنزرع ونحصد ونتعب، ولما تيجي ساعة الكلام تلاقي الفلاح آخر واحد بيتسأل وأول واحد بيتطلب منه يشتغل. عشان كده قررت أترشح وأمثل الفلاحين وأهل الغيط جوه الكونجرس.
أنا مش هقولكم كلام مرشحين من بتوع المؤتمرات والخطب الطويلة...
أنا هقولكم كلمة واحده:
صميدة واحد منكم.
لو دخلت الكونجرس، هفضل فلاح زي ما أنا، وهفضل فاكر الأرض والغيط والناس اللي عايشة على خيرها صميدة — صوت الفلاحين في الكونجرس