في فتره لازم نكونو يد وحده ومع بعض ونكبرو قلوبنا لقينا جماعه ماشيه خارج التيار وطالعه من المشهد مش بس صمت.. دايره تغيير جذري محسوبك.
ووقفتو عند كلامي لما درت راي في يلي غيرو الجنسيه مش من فراغ لأني عارف لو الباب هذا انفتح معاد حد يقدر يرده وموضوع غلط من ساسه لراصه.
تعرفوني كنت محايد وما نميلش لطرف عن طرف، كلمه وقص، عارفها هكي خير وأقل مشاكل.
لكن لما الوضع يتفركس ومعاد عندك كيف تلمه خله يتفركس.
المهم كشفنا من يلي كاين في بداياته يقول أني مانبيش مناصب.. أني تهمني ليبيا.. لعند كيف غير انتماءاته بكل.. وعرفنا منو يلي قلبه عالبلاد ومنو يلي يبي منصب وكراسي، ولو ما حصلاش يمشي يفتّن ويدير جماعه تحته نفس نظام البغاة بالزبط.
المشكله أن يلي كنت معاه هذاك استفاد منك وشد منصبه صحه له، وأنت قعدت من دوله لدوله وما فادكش، خلي نقل الدوه ينفعك.
الخلاصه: الأوراق انكشفت وللناس الجديده ما تمشوش ورى التيار أسمعو من جميع الأطراف وأحكمو بروحكم، الوعود الزايده راهي ما تنفعش وراهم يضحكو عليكم، خلو ليبيا هي الهدف وعمارها أهم شي.
والسلام عليكم.