كلام مهم قبل ما تتسرع

الحقيقة انا حابب اكلمكم بكل محبة ومنغير تحيز

هطلب منك انك تكمل الكلام للآخر علشان تفهم الرسالة الصح

زى ما شوفنا اخر يومين إلى حصل من بعض الناس على الديسكورد بدأت بحاجة بسيطة من ليبيا وبعد كدا بدأت تكبر وتدخل فى الدين ودا اكبر غلط حصل من كل الأطراف المشاركة لان دى لعبة للتسلية فقط

طبعا احنا عارفين الناس دى مش بتأمن بوجود ربنا استغفر الله يعني

الموضوع مش موجه بس للإسلام بالعكس كمان دخل فيه المسيحية

وانا هنا مش جاي اعمل مشاكل بين الطرفين

والفكرة ان حصل تصعيد كبير هنا وأصبح الموضوع فوضوي والطرفين خرجو عن السيطرة

طبعا انا معاك حق الكل يدافع عن تفكيري وعقيدته فى نطاق الطبيعة الى خلقها ربنا ولكن من وجهة نظري ان الموضوع كان يقدر يخلص بشياكة كبيرة حد غلط فيك بدل ما تغلط فيه وتاخد عليك نقطة انت تاخد كل الاثباتات وتمسكها عليه

يبقى انت كدا اخدت حقك بشياكة وتطلع منها نضيف منغير اى حاجة

والفكرة يا شباب بدل رد الفعل المبالغ فيه وارسال صورة وتأكيد صورة الإرهاب الى حصلت من بعض الشباب انهم يحطو صورة سودة

انا طبعا معنديش اى اعتراض عن انك تعبر عن حبك لدينك ولكن بالطريقة الصحيحة المثالية يعني حط علم السعودية الأخضر او حط علم ابيض ولكن علم اسود دا موجود فى قوائم الإرهاب وداعش واكيد انت عارف الكلام دا كويس جدا وبتطلع تنكر صلتك بيهم

وفى الاخر يرجالة حاليا بيتم مناقشة بعض القرارات لوضع قوانين لمنع التحدث عن الدين وغيره

واتمني انك تكون فهمت كلامي صح بدون اى سوء نية