𓋹 الكونجرس فقد صوته… وحان وقت التغيير 𓋹

شعب مصر العظيم…

اليوم أتحدث معكم من القلب للقلب.
بدون جمل محفوظة… بدون لعب على المشاعر… وبدون أي أقنعة.

اليوم أترشح لعضوية الكونجرس المصري العظيم،
وأنا مدرك تمامًا ثقل ومسؤولية هذا المنصب.

أنا هنا لسبب واضح.
كلنا شفنا الفترة الماضية…
الكونجرس كان في أضعف حالاته.

قرارات كتير اتاخدت بشكل

متسرع، خاطئ، شخصي، وأحيانًا بدون أي مبرر واضح.
والأسوأ من القرار الغلط… إن مفيش تفسير.

لا للشعب… ولا حتى لمحاولة فهم رأيه.

طيب… أنا مؤهلاتي إيه؟

أنا زي أي واحد فيكم.

مواطن بيحب بلده… وبيحب اللعبة…

وعنده شغف حقيقي إنه يشوف مصر أقوى.

اجتهدت في خدمة الوطن على قد ما أقدر.

جمعت وكتبت تاريخ مصر في اللعبة،
لأن التاريخ مش مجرد كلام…
التاريخ هو اللي بيخلي الجيل الجديد يحس بمسؤولية البلد ويحافظ عليها.

ساهمت في وزارة الإعلام،
وساعدت في التوجيه داخل سيرفر الديسكورد.
بساعد وهفضل أساعد اننا نزود شعب مصر (Baby boom)

وكنت دائمًا متابع وملم بالأخبار الداخلية والخارجية في عالم اللعبة،
وشاركت ده معاكم من خلال مقالاتي السابقة.

وأتعلمت وفهمت علي ايد ناس فاهمين اللعبه كويس زي

https://app.warera.io/user/691e02d933063ef3c6f724df, https://app.warera.io/user/695bfdc22c5a58564674a000, https://app.warera.io/user/6813b75aefecdf9bab1952b5. https://app.warera.io/user/697e207d899336de7f773199. https://app.warera.io/user/69c8183f028e7bdd84baa028

طيب… ليه تختار Kemet_Vanguard؟

أنا مترشح بسبب هدفين واضحين جدًا.
ومش هغيّرهم.

أولًا:
الحد من القرارات العشوائية والمتسرعة،
وإنهاء فكرة العضو غير الفعّال اللي وجوده وعدم وجوده واحد.
لأن الكونجرس مسؤولية… مش مجرد كرسي.

________________

ثانيًا:
الشفافية.
وأعيدها مرة تانية… الشفااااافية.

كمواطن، من حقي أعرف:
الحكومة اتخذت القرار ده ليه؟
وعلى أي أساس؟
وليه صوت الشعب أحيانًا مبيوصلش؟
وليه اقتراحات الناس بتتقال… لكن محدش بيسمعها؟
وعشان كده كعضو كونجرس هفتح ثريد في الديسكورد لشرح القرارات الحكومه وافقت وصدقت عليها وهيكون دايما باب الرسايل في اللعبه و الديسكورد مفتوح للكل

النقطتين دول هما أساس ترشحي.

الكونجرس مش بادج…
ولا شهرة…
ولا اسم منصب.

الكونجرس هو حلقة الوصل بين الشعب والحكومة.

كونجرس ضعيف…
يعني صوت شعب ضعيف.
يعني حكومة بعيدة عن الناس.

وأنا مش داخل المنصب علشان الشكل.
أنا داخل علشان المسؤولية.
وداخل علشان صوت المواطن يوصل بوضوح… وباحترام.

_________________________________

صوتك مهم.
وصوتك بيفرق.

خليك صوت الحق.
خليك مع https://app.warera.io/user/69d7fc1a0e6455432301ddf7

الله الموفق والمستعان.