حباب الشفوت والراصطات، جيبو اضانكم جاي.
اللعبة دي لو خاشيها مسطح وجيبك فاضي، حتتبل وتطلع فارة. عشان تقفل ملف الوهمات دي وتبقى زول شفت وتفتيحة، أبلع الزيت ده وما تفكو:
الدهب ده العين الحمرا: يا فردة، الدهب ده ما بتفرتقو ساي في الفارغة. بتدسو عشان تفتح بيهو شركات، أو تقفل بيهو تدريبك. أوعك تعمل رايح وتطيرو وتجي تبكي بعدين.
القروش البتجيك من الشغل ده ما تنوم بيها. طوالي كبو في شركات بتاعت أكل ومواد خام. الحنك شنو هنا؟ الحنك إنك وقت الكتمة والبل، تكون مقفل زادك وسلاحك براك، ما تقعد تكوس وتشحد زي المقطوع في السوق.
البل بي فهم: ما تخش تدوس وتعمل لي فيها دباب وإنت حق الطلقة ما عندك. ما تطير أسلحتك واكلك في الفاضي. أمسك الخشب، قفل جيبك أول، ولما تبقى مكنة تقيلة والقروش راقد، ديك الساعة خش الميدان واجغم أي وهم بفتح خشمو.
الزيت يا نيقاز.. الكاش بيقلل النقاش، زبط اقتصادك عشان تبقى شفت وماف زول يقدر يهبشك.
أرح قدام يا مكنات، البل راجينا!
President_Of_Sudan