المراسل الحربي — الجزء الثاني

من گلب الجبهة… يعني من گدّام زر الـ Attack، مباشرة.

هسه شوفوا يا جماعة، خل نحچيها طك بطك. الطرف الثاني دخل الراوند ورايح بيه دگ صدر: خطة عدنه، تنظيم عدنه، وهالمرة “راح تشوفون شنو نسوي”.

…يمعود شفنه… بس شفنه شي غير اللي گالوه.

الراوند الأول؟ طار من إيدهم، ونظيف.

أول موجة إجت بحماس زايد وانركعت ، وهسه ثاني موجة، الطاقة بدت تخلص

احنه؟ ولا واحد من عدنه اهتز . الضرب مستمر، الحساب مظبوط، وماكو ولا واحد صرف طاقته على الفاضي.

النتيجة: الراوند خلص، والخريطة ما تحركت ولا بيكسل. 🗺️

والمعركة بعدهه ماشيه.

ما نريد نغر روحنه — هذا بس الفصل الأول، والحرب ماخلصت. بس اللي يصد الموجة الأولى بهالشكل، يصد اللي بعدهه وهو مغمض. راح نضل واگفين لحد ما يطلع فجر جديد… والمحافظة الـ١٩ تضل بإيدنه، مثل ماهي وزود.

"صَمَدنا… وهذا كلُّ التقرير."

شكر خاص 🏅

لفرقة سوبرانو — هاي مو فرقة، هاي حايط. ناس ما تنام، وما تسأل “شنو نسوي” — هي اللي تگلك شنو تسوي.

وباقي الفرق العراقية — كل واحد ضرب، كل واحد سند، كل واحد چان صاحي على الإشعار. الفوز هذا اسم الكل عليه، مو اسم واحد

. 😌

وتذكروا، الليلة شعارها

• “حتى يبزغَ فجرٌ جديد… لن نتزحزح.”

و من قلب الجبهة كان معكم المراسلُ الحربي

Stay tuned for updates ،