📚┃ دليل البداية الصحيحة: إزاي تلعب صح وما تضيعش نفسك!

لو إنت لسه بتبدأ أو لسه "كحيان" في اللعبة، ركز في الكلام ده عشان ما تندمش بعدين. دي الخلاصة من عشان تبني حسابك صح:

1️⃣ الأسلحة (الرمادي vs الألوان): ⚔️

• الأسلحة الألوان: إياك تستعملهم! لو استعملتهم وأنت ليفل قليل بتسوح نفسك. شيلهم ولما الماركت يتفتح بيعهم، هتعمل فلوس كتير فشخ تسندك في البداية.

• الأسلحة الرمادي: دي بقى اللي تستعملها. هي كدة كدة ملهاش لازمة لو جربت تبيعها، فاشخط بيها في الحرب وخلص حالك وخلاص.

• نصيحة: أي واحد ليفله أقل من 20 وبيستعمل أسلحة ألوان، ده بيضيع موارد على الفاضي ومصيره يشحت في الآخر.

2️⃣ المهارات (Skills): 📊

• ممنوع نقاط الحرب: إياك تحط أي نقطة في مهارات الحرب وأنت لسه كحيان ونقاطك قليلة.

• الصح: خلي السكالات بتاعتك إيكو عشان تجمع فلوس وتكبر مخزنك.

• ملحوظة: كل دولة بيبقى ليها نظام سكالات خاص بيها، اسأل قادة دولتك قبل ما توزع.

3️⃣ المهمات (Tasks): 📜

• سر الليفل: المهمات اليومية والأسبوعية هي الطريقة الوحيدة اللي بتزود لفل بتاعك بسرعة. لازم تخلصهم أول بأول عشان تفتح المميزات المقفولة.

4️⃣ الأكل (Food): 🍞

• وفر فلوسك: ما تشتريش أكل يزود الهيلث وأنت دمجك لسه "أقل من عضة قطة".

• الخبز وبس: اشتري الخبز عشان تخلص بيه المهمات فقط. لو مفيش مهمة طالبة أكل، ما تشتريش أصلاً ووفر فلوسك للمصانع والتجارة.

الصحفي الحر | DragonBlack195 🖋️🛡️