في حاجة بقت بتتكرر كتير في مقالات اللعبة، وهي إن الخلافات بتتحول لإهانات وغيبة في الناس.
ممكن تختلف مع حد، تنتقد قراره، ترد على كلامه، أو حتى تدخل معاه في منافسة سياسية داخل اللعبة، وده كله طبيعي. لكن السؤال: هل فعلًا أي حاجة في لعبة تستاهل إنك تشيل ذنب إهانة شخص أو الكلام عليه بالسوء؟
انت من حقك تهاجم اه مثلا لو في موضوع سياسي او ايدولوجي
انا مش هقولك ان اللعبة متستاهلش
هو مفيش حاجه ف الدنيا تستاهل انك تهين حد او تغتابه او تنم فيه على الملئ
هاجم، عارض، لكن متنساش حدودك
مش كل خلاف محتاج شتيمة، ومش كل شخص مختلف معاك لازم تقلل منه. حاول تناقش الفكرة وتنتقد التصرف من غير ما تحول الموضوع لهجوم شخصي.
خلّينا ننافس بعض ونختلف ونتجادل، بس من غير ما ننسى إن في الناحية التانية إنسان زيك. ولا منصب، ولا دولة، ولا خلاف في لعبة يستاهل إنك تشيل ذنب بسبب كلمة كان ممكن ببساطة متقولهاش.
كلامي مش ع موقف محدد
لكن كلو يشهد ان الموضوع
المشكلة مش ف الهجوم، المشكلة انو اتحول لاهانه صريحة