بيان استقالة من رئاسة دولة المغرب 🇲🇦

بسم الله الرحمن الرحيم

السلام عليكم الخوت والمواطنين كاملين،

كنكتب هاد البيان اليوم باش نعلن بصفة رسمية ونهائية على تقديم استقالتي من منصب رئيس الدولة. هاد القرار جا بعد ما وصلت لقناعة تامة أن الاستمرار فهاد الظروف مستحيل، وأن التغيير الحقيقي ما يمكنش يتحقق فبيئة مخوضة كتغلب فيها الحسابات الضيقة والمصالح الشخصية على مصلحة البلاد.

أنا النهار اللي ترشحت وقبلت نتحمل المسؤولية، جيت بنية صافية باش نخدم، نبني مؤسسات، نكرس الشفافية، ونقوي المغرب من الداخل

وكانو عندي مشاريع من أهمها الدستور و نظام لتقوية إقتصاد لاعبين المغاربة ولكن مكتابش انني نكمل عليهم.. مستعد نعطي وقتي وجهدي كاملين، ولكن ما مستعدش نضيع طاقتي فصراعات خاوية، كولسة، ومحاولات إرضاء أطراف كتفكر غير فمصالحها وامتيازاتها الخاصة قبل مصلحة الوطن.

التسيير والنجاح كيحتاجو ناس باغين يخدمو بلادهم بصح وبيد وحدة، أما فاش كتولي الخدمة محاصرة ببيئة مسمومة وكل واحد كيضرب غير على راسو، كيكون البقاء فالمنصب مجرد مساهمة فهاد العبث، وأنا ما جيتش نلعب دور الواجهة أو نكون غطاء لمصالح حتى شي واحد.

كنشكر من كل قلبي الدراري الصادقين اللي وقفو معايا وخدمو بنزاهة؛ جنود الميدان، ، وكل مواطن كان باغي الخير لهاد البلاد بلا طمع فمنصب ولا

مصلحة.

و السلام عليكم ورحمه الله