رشاحة الوطن

# زمن الإصلاح

حي على الصلاة... حي على الفلاح.

مرّت الأزمة، وغربلت الناس كلهم. اللي كان هشاش هرب، واللي ما كانش صادق فبلادو تساقط من أول ريح قوية. بقات غير طينة وحدة، طينة الفدائيين، اللي ما بغاوش يهربو، بغاو يبقاو فمكانهم يدافعو على أرضهم مهما كلفهم الثمن.

هادي الطينة اللي بقات، هي اللي غادي تبني الغد. لأن الأوطان ما كتبنيش بلي هربو منها، كتبنى بلي بقاو فيها ملي كانت محتاجة ليهم.

دابا، بدا زمن جديد. زمن ما كيوقفش عند طرد المحتل، غير كيبدا يصلح الداخل من كل حاجة دخلاتنا للضعف. "حي على الصلاة" يعني نرجعو للأصل: الصدق، الأمانة، الوفاء الحقيقي. و"حي على الفلاح" يعني الهدف ماشي نجاة الفرد وحدو، غير فلاح الجميع مع بعضياتهم.

اللي بقا صامد فالأزمة، هو وحدو اللي عندو الحق يقود الإصلاح دابا. لأن اللي ما شاركش فالجرح، ما يستاهلش يشارك فالثمرة.

من هاد اللحظة، بدا عهد جديد، عهد كيقيس الناس بصدقهم ماشي بالكلام الفارغ.

فليبدا زمن الإصلاح... وشعارنا: حي على الصلاة، حي على الفلاح.