دليلك الشامل كمحارب | بيان من وزارة الدفاع

بعد ما بتحول وار حسب ما عرفت من الديسكورد هتجيب معدات ايه ونقط الاسكيلز توزعها ازاي دي الطريقة الي مطلوب منك تحارب بيها علشان متكونش بتخسر فلوس وتقدر تكمل لمدة طويلة وفي المقالة دي هكلمكم عن ازاي تستغل الهيلث والاكل والباونتي ومكافأة الحروب

نظام الحرب

١- لما بتبدأ كمحارب تهاجم بتاخد بيل الموجوده في المربع الأصفر وهي عبارة عن إنك بتعمل دمج زيادة بنسبة 60% لمدة 8 ساعات ولكن ال15.5 ساعة الي بعدهم بتعمل دمج أقل بنسبة 40% من ضررك الاساسي

٢- أفضل معاد تاخد فيه البيل هو بالنهار الساعة 3 على سبيل المثال بحيث إن البيل مفعولها هيكون موجود معاك لغايت 11 بليل وتقدر تفتح على مدارهم تحارب وتستغل كل ساعة من البيل ومهم جدا تاخدها والهيلث والهانجر بتوعك كاملين

٣- لما تكون دي باف أو في ال15.5 ساعة الي بتعمل فيهم 40% دمج أقل بتستخدم معدات رمادي وسكينة فقط لأن استخدامك لأي حاجه تانيه هو تضييع فلوس

٤- في المستطيل الازرق اللحمة وهو الأكل الي احنا بنستخدمه في الحرب غالبا بيزود الهيلث بتاعك بنسبة 15% من الإجمالي

٥- المربع الأخضر بيوضح استهلاك اللحمة لبار الهانجر أو الأكل بتاعك وهو كل 1 لحمة بيستهلك 1 من بار الأكل عندك بينما البيل مش بتستهلك حاجه

٦- لما تيجي تحارب بتخلص الهيلث بتاعك كله ونص بار الهانجر في بداية الراوند وفي آخر الراوند بتضرب بكل قوتك وتخلص الهيلث والهانجر الباقيين لأن اهم جزء في الحرب نهايتها مش بدايتها

٧- لما بتحارب وتعمل دمج عالي في الحروب بيجيلك

صناديق هتبيعها

معدات لو مش بتستخدمها في معداتك الحالية بيعها

سكرابس لما معداتك تتكسر بيعها

٨- الحروب القوية بيكون فيها باونتي حاول متضربش غير لما يتحط باونتي فيها علشان تستفاد

٩- دايما بنحارب بطلق اخضر بس الطلق الازرق والبنفسجي من جرائم الحرب الكبرى