إرشادات المبتدئين في وار إيرا
طريقك للتطور السريع وبناء حساب قوي
يا جماعة ، بما إن في لاعبين جداد كتير بيدخلوا اللعبة ومش بيكملوا بسبب إنهم مش عارفين يبدأوا منين ، فجمعتلكم أهم التعليمات اللي تساعدكم في بداية الحساب
الفكرة الأساسية هنا هي الدستور الاقتصادي اللي ماشي عليه لاعبين كبار ، والهدف إنك تبني اقتصاد الأول وبعدها تختار طريقك في اللعبة
الاقتصاد اولا
إوعى تبدأ تفكر في الحرب واقتصادك لسه ضعيف
خلي تركيزك في البداية على بناء اقتصاد يخليك قادر تمول حروبك بعد كده
لو استعجلت ودخلت الحرب قبل ما يكون عندك دخل كويس ، ممكن تلاقي نفسك استنزفت مواردك ومش قادر تكمل
يعني باختصار ابدأ باقتصادك وبعدها فكر في الحرب
الشركات والشغل
في البداية مهم جدًا تستفيد من الشغل عشان تجمع الكاش
حاول تشغل موظف عند لاعب تاني برضه ، عشان تستفيد وتجمع كاش
استغل طاقتك بشكل صحيح
ادخل كل 10 ساعات بالظبط عشان تستفيد من طاقتك وتجمع نقاط الريادة
هدفك 6 شركات بمستوى 6 من المحرك الآلي
الهدف اللي تمشي عليه في البداية
6 شركات
وكل شركة توصل إلى
المستوى 6 من المحرك الآلي
وده اللي هيبدأ يجيبلك الذهب بشكل كويس ، وساعتها تقدر تتحرك براحتك وتبدأ تفكر في الحروب من غير ما يكون اقتصادك واقف
عايز ترفع مستواك بسرعة
ركز على المهمات اليومية عشان تجمع نقاط الخبرة
المهمات هي الطريق اللي هيساعدك توصل للمهمات الأسبوعية ، فحاول تخلصها باستمرار
ولو قابلتك مهمة صعبة ومش قادر تخلصها
غيرها فورًا
عندك إمكانية تغيير مهمة مرة واحدة مجانًا ، فاستغلها لما تحتاجها
إدارة الكاش والمخزن
في بداية اللعبة السيولة مهمة جدًا ، فلو عندك حاجة مش محتاجها حاليًا ، ممكن تبيعها عشان توفر كاش
ممكن تبيع حاجات زي
الأسلحة
الأكل
الصناديق
الفكرة إنك ما تخليش مواردك متجمدة وإنت محتاج كاش للتطور
وبالنسبة للحرب
لما تشارك في حرب حاول تحارب ملط ، يعني بالسكنية بس ، عشان تجمع الصناديق من غير ما تخسر فلوس في السلاح أو الأكل
إمتى تبدأ الحرب الحقيقية
متستعجلش عليها
استنى لما تكون خلصت هدفك الأساسي
6 شركات
كل شركة مستوى 6 من المحرك الآلي
وعندك دخل ثابت
بعدها تقدر تختار طريقك
تكمل كمحارب
أو
تكمل في التوسع الاقتصادي
الخلاصة
لو إنت لاعب جديد متحاولش تعمل كل حاجة مرة واحدة
ابدأ باقتصادك ، اشتغل واجمع الكاش ، طور شركاتك ، وصل لـ6 شركات بمستوى 6 من المحرك الآلي، اهتم بالمهمات وارفع مستواك ، وبعد ما يبقى عندك دخل ثابت ابدأ فكر في الحرب
وبكده يبقى عندك أساس اقتصادي كويس يخليك تختار طريقك في اللعبة وإنت جاهز
وعشان بحبكو عملتلكو صوره بتوصف كل اللي قلته
لو المقال فادك متنساش تعمل لايك واشتراك
عشان ننزل لكم حاجات تانية عن التعليم وشرح اللعبة والنصائح اللي تساعدكم تتطوروا أسرع
وبالتوفيق يا رجالة ، ونشوف مصر من أقوى الدول السيرفر إن لم تكن الاقوى
مقدم من حزب صناع القرار