السلام عليكم قادة ومقاتلي المغرب العظيم مرحبا بيكم فالدرس الثاني من مذكرات فن الحرب
اليوم غندخلو للفصل الثاني من الكتاب لي كيهضر على تكلفة المعارك سون تزو لخص هادشي فواحد المقولة مهيبة ومرعبة كتقول
ما كايناش شي دولة فالتاريخ ستافدات من حرب طويلة والجيش لي ما عندوش ثروة وامدادات مصيرو يتبخر ويتسحق فساحة المعركة
سون تزو كيقول بلي الحرب بحر ديال المصاريف واي جيش كيتحرك خاصو فلوس صحيحة القائد الواعر ماشي هو لي كيقاتل بوحدو ولكن هو لي كيعرف كيفاش يمول الحرب ويشري القوة
هنا كيبان السر ديال الانتصار فاللعبة حيت ملي كتكون الخزينة ديالك عامرة كتقدر تدير عقود مع مرتزقة وتخلصهم باش يجيو يقاتلو فصفك وتقدر تحط مبالغ مالية مهمة على كل مساهمة وكل ضرر كيديرو اي لاعب لصالحك فساحة المعركة
هادشي كيعني بلي الا كان اقتصادك قوي تقدر تجيب جيوش من عدم وتخلي ناس خرين يضربو بلاصتك وتغلب تحالفات كبر منك غير بالفلوس والذكاء المالي ولكن الا دخلتي لحرب بلا ما توجد الفلوس باش تخلص المرتزقة والجنود غادي تستنزف وتلقى راسك بوحدك والعدو غيستغل الفرصة ويهجم عليك
السر ديال الانتصار فهاد الفصل هو الاقتصاد القوي لي كيسبق الضربة المال هو لي كيحرك المرتزقة وهو لي كيخليك تصمد فاش كيصعاب الحال
غادي نخلي ليكم المجال فين تطبقو هاد الفلسفة العميقة فالميدان وتجمعو الثروة لي غتصنع ليكم المجد وتسناو الدرس الثالث غدا المجد للمغرب والى اللقاء