التحديث الجديد هيغير الطريقة اللي بنلعب بيها من الاساس
عشان كده حبيت أقعد أفكك كل نقطة فيه وأقولكم معناها إيه وهتأثر علينا إزاي، وإيه اللي المفروض تركزوا عليه فعلاً وإيه اللي تسيبوه على جنب.
يلا نبدأ.
------------------------------------------------
خلاص يا شباب، الأيام اللي كنت فيها تقدر تشارك أي حرب في أي حتة في العالم خلاص بح . دلوقتي إنت واقف فعلياً في منطقة معينة، ولازم تكون موجود فيها (في اللعبة يعني) عشان تشارك في أي حرب هناك.
التنقل بقى بياخد منك ستامينا الأول وده بار جديد هيتضاف زي بار الصحة والطاقة، ولو خلصت الستامينا وأنت لسه ماشي، بيبدأ يسحب من الأويل ( النفط ) بتاعك. وكل ما المسافة تزيد كل ما التكلفة تزيد معاها - تقريباً نقطة لكل 100 كيلومتر. وعندك شريط ستامينا جديد أقصاه 100 وبيرجع بمعدل 10 كل ساعة.
يعني عملياً، لازم تبدأ تفكر في موقعك الجغرافي قبل ما تخطط تشارك في أي معركة - مش زي زمان. ولو هتتنقل، خلي التنقل ليه هدف واضح، لأن كل خطوة عشوائية بتضيع منك ستامينا، وبعدين أويل، وده أغلى بكتير. وده طبعا هيأثر علي سعر الاويل ( النفط )
.ابتدي حوش الأويل بقا
المناطق مبقاش تطورها ثابت زي الأول، دلوقتي بيتحسب من اللي عايشين فيها فعلاً. اختار منطقة أساسية (Home) منفصلة عن مكانك الحالي، وده هيكلفك شوية خرسانة بس مش أكتر. تطور المنطقة بيتحدد بعدد المواطنين النشطين اللي ساكنين فيها ومتوسط مستواهم - يعني منطقة فاضية معناها صفر تطور،.
كل منطقة دلوقتي عندها عدد محدود من سلوتات الترقية - يعني
مش هتقدر تحط كل حاجة في كل مكان زي الأول، لازم تختار بعقلانية.
وفيه إضافة اسمها مكتب الضرائب وده بياخد نسبة من دخل المنطقة لصالح الدولة كل يوم - ممكن توصل النسبة لحد 100% في أعلى مستوى ليه! يعني لو منطقة عندها مكتب ضرائب عالي، ممكن تشتغل فيها وتلاقي دخلك بيروح كله للدولة مش لجيبك.
فيه كمان مطارات ومواصلات عامة بتقلل تكلفة السفر لحد الربع، وده مفيد جداً مع نظام الستامينا الجديد. والمواطنين نفسهم بقوا هما اللي بيبنوا المنشئات دي .
النصيحة هنا : قبل ما تحط فلوسك أو وقتك في تطوير منطقة معينة، شوف مكتب الضرائب بتاعها كام في المية الأول. متستثمرش من غير ما تتأكد.
فيه دلوقتي تصنيفات للمناطق حسب التطور، عدد السكان، والمقيمين، وكمان تصنيف لمعرفة أي دولة بتجيب أكبر عدد مستوطنين. والحلو إن كل منطقة بقت بتوريك بالظبط جابت فلوس قد اية النهاردة في الهيدر بتاعها مباشرة.
مفيش قرار صعب هنا، بس استخدموها - قبل ما تقرروا تسكنوا فين أو .تستثمروا فين، شوفوا الأرقام دي الأول، هتوفر عليكم وقت كتير
فيه دلوقتي روليت، سلوت ماشين، بلاك جاك، وسباق خيل،
كلهم قمار ومرهانات وهنا هنقف
عشرة مهام جديدة بترجع أول كل شهر، كل مهمة فيها اكس بي 150، وفيه بونص 500 اكس بي كمان لو كملتهم كلهم مع جوائز إضافية.
بصراحة، دي أهم نقطة في التحديث كله من ناحية الكثافة - قيمتها عالية جداً مقارنة بالمجهود المطلوب فيها. خلوها أولوية زي المهمات
اليومية والأسبوعية،
وأخيراً، وصلنا لأهم حاجة. الشركات بقت شغالة زي المناطق بالظبط - الترقيات بقت جوه سلوتات محدودة مش زرار ترقية مباشر زي الأول. كل شركة بتبدأ بسلوتات قليلة، وصاحبها بيقدر يفتح سلوتات إضافية بالخرسانة لحد سقف معين. والتخزين والمحرك الآلي وغرفة الاستراحة كلهم بقوا في شبكة واحدة تختار فيها السلوت اللي هتبني فيه.
يعني لو كنت حاطط خطة ترقية من قبل التحديث حاول تخلصها قبل
التحديث عشان بعد التحديث الموضوع هيبقا اصعب
اهتموا بالمهام الشهرية أول حاجه
حاولوا تفهموا نظام السلوتات الجديد قبل أي خطوة ترقية جاية فاي شركة
. اختاروا منطقتكم الأساسية بعناية
وقبل ما تستثمروا في أي منطقة بشكل كبير، اتأكدوا من نسبة مكتب الضرائب فيها الأول.
وفي المقابل، متراهنوش في الكازينو بفلوس محتاجينها لتطوير شركاتكم. ومتفتكروش إنكم لسه تقدروا تشاركوا فأي حرب من أي مكان زي زمان، النظام ده خلاص انتهى. ومتستهلكوش ستامينا وأويل في تنقل من غير هدف واضح. ومتستعجلوش