🇮🇶📰 مقابلة مع وزير الدفاع العراقي

جريدة الصباح العربية

١. ⚔️🇮🇶 لماذا نرى تردداً من العراقيين في التحول إلى المسار الحربي؟

وزير الدفاع العراقي:

لا الحمدلله ماكو تردد و انما بالعكس ان العراقيين يحولون حربي اسرع مما توقعنا ما شاء الله و حسب كل لاعب و اله ترتيبه الخاص اكو اللاعبين الي صرفوا على مصانعهم فما صارتلهم فرصة ان يجمعون للتجهيز الحربي فنسقنا معهم حتى يبقون ايكو اسبوع لحد ما يكونون جاهزين و النا خططنا ان شاء الله الي ما نريد تتسرب للاعداء.

٢. ⚔️🇮🇶 ما هو مصير العراق في حال خسر الحرب؟

وزير الدفاع العراقي:

حتى لو خسرنا نثور كل يوم ما نستسلم ما نبقي العدو مرتاح دقيقة وحدة وهو بداخل الاراضي العراقية الى ان يلاحظون ان الموضوع مكلف للسيطرة على دولة بحجم العراق و يخسرهم اقتصاديا راح ينسحبون تلقائيا و راح احنا الي نبادر بالهجوم بعدها.

٣. 🇮🇹🇿🇦🤝🇮🇶 شهدنا دعماً كبيراً من إيطاليا وجنوب أفريقيا للعراق خلال حملته العسكرية ضد العدو، فما هو ردّ الجميل الذي سيقدمه العراق لهما مقابل هذا الدعم؟

وزير الدفاع العراقي:

ايطاليا و جنوب افريقيا من اقدم حلفاء العراق و علاقاتنا ممتازة العراق دعمهم سابقا و هم يدعمونا الان و حسب خطط التحالف بشكل عام احنا ما نفكر من منظور دولة و انما من منظور تحالف كانما هو دولة وحدة كبيرة لو كان مصلحة التحالف هو التركيز بالشرق الأوسط راح يدعمون العراق لو كان مصلحة التحالف باوروبا راح ندعم ايطاليا

العراق دافع عن ايطاليا باخر حرب الهم ضد صربيا و اني شاركت بيها و كل العراقيين شاركوا بيها كان العراق اكبر مساهم بالدفاع عن ايطاليا لانهم حليف مقرب النا

اي فرقة عراقية تحب تاخذ عقود تبلغني اني او نائب الرئيس كرولو سواء مع العراق او الحلفاء

٤. 🇸🇦⚔️🇮🇶 هل هناك مفاوضات بشأن دخول السعودية إلى الحرب لمساندة العراق، أم ستبقى المملكة على موقفها المحايد؟

وزير الدفاع العراقي:

السعودية هي دولة محايدة ما تتدخل بحروب التحالفات هي فقط تمنع اي دولة من الهجوم على عاصمتهم الرياض اما باقي اراضيهم هي مملوكة من قبل مصر لانهم تعاقدوا مع السعودية بهذا الموضوع

اما الشرقية فهي تم اهدائها من قبل مصر الى العراق و صارت رسميا تابعة للعراق فقط و نشكر جزيل الشكر الحكومة المصرية على هاي المبادرة الحلوة مصر حليف قديم للعراق و بدينا بمجتمعنا باللعبة سوا

٥. 🇪🇬🇮🇶⚔️ سبق أن صدرت تصريحات من مسؤولين في الحكومة العراقية حول دخول مصر إلى الحملة العسكرية إلى جانب العراق، فهل ما زالت هناك مباحثات بهذا الشأن؟

وزير الدفاع العراقي:

نعم مصر و العراق ينسقون بين بعض بالخطط العسكرية و ان شاء الله راح تشوفون هذا الشي بالايام الجاية

٦. 🇮🇶⚔️🇮🇷🇬🇷🇹🇷🇦🇿 في حال نجاح الحملة العسكرية العراقية في تحرير أراضيه، هل سيتوجه العراق مباشرة إلى تحرير اليونان وتركيا وأذربيجان من الاحتلال الإيراني؟

وزير الدفاع العراقي:

قطع نفوذ ايران على دول الحلفاء سهل ان شاء الله و الخطط موجودة لتدمير كل تواجد ايراني بالمنطقة سواء العراق او الحلفاء و التحديث الجديد راح يقلل من مساندة المانيا بالشرق الاوسط و هذا راح يضعف ايران

٧. 🇮🇶🇱🇾🤝 ما سبب رفض العراق مقترح الدفاع المشترك مع ليبيا، وهل كان الرفض مرتبطاً بظروف الحرب الحالية أم بأسباب أخرى؟

وزير الدفاع العراقي:

كانوا لاعبين العراق بالمهارات الاقتصادية حسب تبليغنا الهم فما نقدر نساعد حلفائنا من ناحية الحروب ان شاء الله بالايام الجاية راح يرجعون العراقيين للمهارات الحربية و ما راح نقصر مع كل الحلفاء

٨. 🌐⚔️ ما تعليقكم على تفكك تحالف هورايزن؟ وهل تتوقعون عودة أعضائه إلى التحالف الحالي؟

وزير الدفاع العراقي:

حكومة فرنسا كانت منزعجة ان دول التحالف ما يتبعون التعليمات و هذا ادى الى ان يغيرون توجهاتهم من ناحية تحالفنا الاشمل بشكل عام فراح يصيرون مع دول الاعداء مع الاسف و ممكن نلتقي على جبهة ضد بعض احنا و فرنسا بالمستقبل و هذا محزن لانهم كانوا حليف قديم

اما ان دول تحالف هورايزن ينضمون لتحالف الباستا فهذا ما راح يصير للاسف لان بونص دمج التحالف راح ينزل بالحروب لو كان بالتحالف دول كثيرة و حاليا اذا نقبل اي دولة اكثر بعد راح يبدي ينزل

٩. 🇧🇪⚔️🇫🇷 ما هو رأيكم حول إعلان بلجيكا الحرب على فرنسا؟

وزير الدفاع العراقي:

فرنسا هي الي بدأت الهجوم على بلجيكا و بلجيكا دافعت عن نفسها و رجعت هجمت على فرنسا و هذا راح يتكرر بالايام الجاية هواية لان فرنسا صارت حليفة لالمانيا و السويد و كل تحالفات الاعداء

ادعم حليفنا بلجيكا بكل خطوة يسووها للدفاع عن اراضيهم و العراق راح يساندهم ان شاء الله مثل ما هم دافعوا عن العراق بجبهات سابقا

١٠. 🇮🇶⚔️ ما هو مصير المنطقة في حال نجاح العراق في حربه، أو في حال فشله؟

وزير الدفاع العراقي:

نجاح العراق يعني عودة بونص اقتصادي قوي لدعم العراق اقتصاديا و تدمير اي خطط للعدو لايذاء العراق، اما الفشل ما راح يعني استسلام العراق او الحلفاء، راح نبقى نقاتل لاخر قطرة دمج ضد كل من يحاول يؤذي العراق و حلفائه

١١. ⚔️🇮🇶 هل توجد عقود أو اتفاقيات لدعم الوحدات العراقية والأجنبية المشاركة في الحرب؟

وزير الدفاع العراقي:

اكيد ان شاء الله اي فرقة عراقية تحب تاخذ عقود تبلغني اني او نائب الرئيس كرولو سواء مع العراق او الحلفاء

🇮🇶⚔️🪖 نصائح وزير الدفاع العراقي إلى المحاربين 🪖⚔️🇮🇶

١. 🪖⚔️ سيادة الوزير، ما أهم نصيحة تقدمونها للمحاربين حول كيفية الاستمرار في الحرب لأطول فترة ممكنة دون التحول إلى حالة حربية؟

وزير الدفاع العراقي:

اتباع نصائح بوت التحويل في الدسكورد لانه يعتمد نوع مهارات قليل الصرف بالجبهة و السيت المستخدم بالبوت هم رخيص و نصيحة ان اللاعب يوزع دمجه بالنص على راوندين حتى اللوت يكون عنده اقوى

مثلا لاعب امكانيته مليونين لازم بالراوند الاول يدمج مليون و الراوند الثاني يدمج مليون يوزعها بهاي الطريقة و لازم يلتزم بجبهة وحدة باليوم و ما يغيرها ولو مرات مصلحة العراق تتطلب ان نغير جبهة و ننجبر نغيرها حسب التعليمات نبلغكم

٢. 🏭⚙️ هل تنصحون بتحويل المصانع إلى دعم المجهود الحربي، من خلال استهلاك إنتاجها داخلياً بدلاً من بيعه، أم بيع ما تنتجه المصانع، سواء كان حديداً أو طابوقاً أو غير ذلك، ثم استخدام العائدات لشراء المعدات والذخيرة والأسلحة؟

وزير الدفاع العراقي:

لا، افضل استغلال ممكن للمصانع هو استثمارها بمنتج مثل الحجر او الكونكريت او الفولاذ او الحديد فقط هذولة و بدولة بونص انتاجها عالي لان اهم شي بالمصانع هو البونص

ليش؟ لان لو المصنع انتج سمك مثلا و اللاعب يستهلكها داخليا راح يكون هنا opportunity cost مكلفة حتى تقارنها لازم تعتمد وحدة العمل هاي وحدة العمل راح تكون اقل بمصنع السمك عن لو كانت بالفولاذ لان بونص انتاج السمك اقل

٣. 🎯⚔️ سيادة الوزير، ما أهم النصائح التي تقدمونها للمحاربين قبل شنّ أي هجوم؟ وما الأمور التي يجب التأكد منها قبل بدء المعركة؟

وزير الدفاع العراقي:

اخذ التعليمات من كوماندر الفرقة و اي شي غير مفهوم بالنسبة للاعب خل يتواصل بيه مع كوماندر الفرقة مالته و الولد ما يقصرون سباع

لازم يكون اللاعب عنده هيلث و هنكر مفولات قبل لا ياخذ كبسولة و من يكبسل لازم يكون الصبح او الظهر اقصى شي ساعة اربعة لانه لازم يتواجد لمدة 8 ساعات بعد اخذ الكبسولة حتى يستغل الدمج افضل استغلال ممكن

و بكل جبهة لازم نبدي الراوند بدمج 15 هيلث و صرف هنكر واحد كل ساعة لو كان الهنكر راح يفول تصرف هنكر واحد لو ما يفول تتركه هذا لان قيمة نقاط الراوند تتضاعف كل ما تاخر الوقت

و افضل طريقة للقتال بكفائة باقل دمج ممكن و اكثر نقاط بالجبهات ممكنة هو تركيز الدمج من يكون الراوند على tick 3

٨. 🇮🇶⚔️❤️ سيادة الوزير، ما هي رسالتكم إلى المحاربين العراقيين حالياً، وما الكلمة التي تودون توجيهها إليهم في ظل الظروف والحرب الحالية؟

وزير الدفاع العراقي:

نتمنى ان ما يخيب امل العراقيين بسبب الضروف الي يمر بيها البلد موجودة الخطط المستقبلية الي راح نقدر بيها نرجع هيبة العراق بين الدول كل الدول مرت بهيج ضروف مثل المانيا اقوى دولة باللعبة و نحتاج مساهمة كل لاعب و احنا شاكرين لدعم الكل محد قصر ويانا سباع ما شاء الله العراق محظوظ بيكم

❤️🇮🇶 كلمة ختامية من وزير الدفاع العراقي

جريدة الصباح العربية:

تتقدم جريدة الصباح العربية بجزيل الشكر والتقدير إلى معالي وزير الدفاع العراقي على مشاركته في هذه المقابلة، وعلى الوقت الذي خصصه للإجابة عن أسئلتنا وطرح رؤيته حول مختلف الملفات العسكرية والسياسية ا❤️❤️

وزير الدفاع العراقي:

الي الشرف ان صرت ضيف المقابلة شكرا على الجهد الي تبذلوه في جريدة الصباح سعيدين ان عدنا صحافة بمستوى احترافي بالعراق كل الدعم ان شاء الله و راح اكون من اكثر المهتمين بمتابعة اخبار الجريدة يومي

📰❤️ كلمة إلى القرّاء

تتقدم جريدة الصباح العربية بجزيل الشكر والتقدير إلى جميع القرّاء الكرام الذين تابعوا هذه المقابلة، ونخصّ بالشكر كل من خصص من وقته لقراءة الأسئلة والإجابات ومتابعة تفاصيل الحوار.

كما نعرب عن تقديرنا لكل قارئ يواصل دعم الصحافة العربية داخل اللعبة، فوجودكم واهتمامكم هو ما يمنح هذه المساحة الإعلامية معناها ويشجعنا على الاستمرار في تقديم المزيد من المقابلات والتغطيات.

شكراً لكل من قرأ، وشكراً لكل من تابع، وشكراً لكل من يواصل دعم جريدة الصباح العربية. ❤️📰🇮🇶

جريدة الصباح العربية — صوت الخبر، ومساحة الحوار. 🖋️🌐