قررت كمسئول عن التعليم في جمهورية مصر العربية عمل كورس دقيق فيه معلومات عن كل شئ بلا إستثناء واليوم هنبدأ بتعلم العدادات بتاعت اللاعب وشرح الاسكيلز
١. عداد الهيلث 🟩
هو عداد الخاص بالصحة للاعب ويمكن الاستفادة به عن طريق المشاركة في الحروب أو أشياء أخرى لن تستفيد من معرفتها كمبتدئ ويمكن ملئ هذا البار إما عن طريق الانتظار او الاكل
٢. عداد الجوع 🟧
هو عداد المسؤول عن مقدار الاكل الذي يمكنك اكله
ولا يمكن زيادته إلا بالانتظار
٣. عداد الطاقة🟦
هو عداد المسؤول عن كم مرة يمكنك العمل في شركة شخص آخر
ولا يمكن زيادة هذا العداد إلا بالانتظار
٤. عداد ريادة الأعمال 🟪
هو العداد المسؤول عن كم مرة يمكنك العمل في شركتك ولا يمكن زيادة هذا العداد إلا بالانتظار
هو اولا اول حاجة لازم تعرفها قبل ما توزع مهاراتك في اللعبة لازم تعرف أنك من لفل 1 لحد لفل 18 لازم تكون مهاراتك اقتصادية أو على مسمى اللاعبين ايكو بيلد
طب هي ايه المهارات الاقتصادية
١. ريادة الأعمال المهارة دي كل ما تزودها هتزود العداد بتاع ريادة الأعمال يعني بدل مثلا ما العداد أقصى سعة له 30 هيبقى 40 وهكذا
٢. الطاقة نفس فكرة ريادة الأعمال كل ما هتزود المهارة هتزود سعة البار
٣. الإنتاج بص على بلاطة الإنتاج يعني لما تضغط عمل في شركتك او شركة غيرك الضغطة دي هتنتج قد ايه
يعني فرضا ضغطت عمل في شركة غيرك هيحصل ايه؟
اولا هيصرف منك 10 طاقة ثم هيجي للإنتاج بتاعك يشوفه قد ايه بعدين على حسب الإنتاج هيحدد ضغطة بتاعتك هتجيب قد ايه وليكن الشركة كانت شركة حديد
٤. الشركات مش محتاجة شرح كبير هو كل ما زودت المهارة دي هتزود أقصى عدد شركات ممكن تشغله
٥. الإدارة أقصى عدد عمال تقدر تشغلهم في شركاتك
عندك سؤال اكتبه في المقال هنا او تعالى ديسكورد عاملين جروبات بنعلم فيها الناس وبنرد على كل الناس
على فرض محدش رد عليك منشن اي حد في التعليم وهيرد عليك غالبا ومنشني يعني ومئة في المئة هرد عليك ❤️
بكرا هشرح طريقة توزيع المهارات والمنتجات إن شاء الله
وشكرا لو حد عنده تعليق او حاجة يقول
ومسموح اي حد شايف المقال مفيد يستخدمه في بلده