الشورى.. مش مجرد كلمة 🗣️
المقال برعاية:
https://app.warera.io/party/699eb93ffaf6ffba3bb05971
كتير بنسمع كلمة "الشورى"، لكن قليل لما بنسأل:
يعني ايه شورى أصلا؟ وليه نحتاجها؟
ببساطة، الشورى هي إن القرار ميبقاش رأي شخص واحد وخلاص.
تسمع، تناقش، تشوف وجهات النظر المختلفة، بعدها توصل لقرار يخدم المجموعة.
وده مش معناه إن كل واحد لازم يوافق على كل حاجة، ولا إن القرار يفضل معلق للأبد عشان كل الناس تتفق... بالعكس.
الاختلاف جزء من الشورى
واحد يشوف إن الخطة دي أفضل، والتاني يشوف إن في مشكلة، والتالت يقترح حل مختلف، وهكذا.
هنا تبدأ الفائدة الحقيقية:
بدل ما نسأل: "مين صاحب القرار؟"
نسأل: "أيه القرار الصح"
🤝 طب وايه الفرق بين الشورى والفوضى؟
الشورى مش إن كل واحد يعمل اللي على مزاجه.
ولا معناها إن رأي القائد ملوش قيمة.
ولا معناها إننا لازم نوافق على رأي الأغلبية في كل شيء بدون تفكير.
الشورى معانا إن الآراء تتسمع، والأفكار تتناقش، والقرار في النهائية يكون مبنيًا على ما نراه أصلح للمجموعة
والأهم:
إنك لما تختلف، تختلف بحترام.
ولما رأيك ميتاخدش، ما تعتبرش إن وجودك ملوش قيمة.
يمكن رأيك ماكسبش المرة دي، لكنه ممكن يفتح نقاش يوصلنا لفكرة أفضل المرة الجاية.
🟢وده اللي بنطبقه في حزب الخلافة الإسلامي
عندنا الشورى مش كلمة مكتوبة في الشعارات وخلاص.
عندنا مساحة للأعضاء إنهم:
يطرحوا أفكارهم، يناقشوا، يعترضوا، ويشاركوا في التصويت على قرارات الحزب.
والعضو الجديد مش مطلوب منه يفضل ساكت لحد ما يبقى "قديم".
عندك فكرة؟ قولها.
شايف مشكلة؟ ناقشها.
عندك اقتراح؟ اطرحه.
لأننا مؤمنين إن الحزب مش قوي لمجرد إن عنده عدد كبير أو إ ن فكرته حلوه أو أو أو.
الحزب القوي هو اللي أعضاءه بيفكروا، بيناقشوا، وبيشاركوا.
وفي النهاية ممكن نختلف مع القرار...
لكن تفضل عارف إن صوتك كان مسموع.
الشورى مش إن الكل يقول نفس الكلام...
الشورى إن الكل يكون له حق إنه يتكلم.