يا تونسي فيق وحِلّ العين.. المهارة ذكاء مش ضرب باليدين!

ملاحظة هامة: شفت برشة ملاعبية، خاصة اللي لفلهم (Level) بين 5 و 20، قاعدين يضيعوا في نقاط المهارة متاعهم في الحروب. يا جماعة، راهو اللي تعملوا فيه غلط ويخلي الكونت (Account) متاعكم ضعيف القدام!

يا جماعة الـ War Era، اسمعوني مليح:

راهي اللعبة هذي مش كان "اضرب" و"عرك". اللعبة ذكاء واستراتيجية. كيف تبدا لفل صغير (تحت الـ 20)، ضربتك مازالت ضعيفة وما تنجمش تغير نتيجة حرب كبيرة. مالا علاش تخسر في نقاط المهارة متاعك في القتال؟

الخطة الصحيحة اللي لازم تعملها:

الاقتصاد هو الكل: في الليفل هذا، ركز 70% من نقاطك على الاقتصاد (Production). علاش؟ باش تولي شركاتك تدخل في الفلوس والذهب. الجندي اللي ما عندوش فلوس يشري السلاح والماكلة، يتسمى "عالة" على البلاد.

خبي طاقتك: ركز على المهارات اللي تنقصلك من استهلاك الطاقة في الخدمة. هكا تنجم تخدم أكثر، تجمع فلوس أكثر، وتكبر الكونت متاعك أسرع.

الحرب خليها لليفل الكبير: توا حط 30% فقط في مهارات القتال باش تنجم تدافع على روحك، لكن ما تحرقش نقاطك الكل غادي.

كلمة ليك يا تونسي جديد:

الأرجنتينيين وغيرهم مسيطرين بالسياسة، وإحنا لازم نسيطروا بالذكاء. كيف تبدأ بكونت مبني على اقتصاد صحيح، نهار اللي نوصلوا لليفل عالي، نلقاو رواحنا عندنا "فلوس القارص" ونجموا نشريو أحسن ماتريال ونطردوهم من بلادنا شر طردة.

يا توانسة، ابنيو رواحكم صح، وتو يجي وقت الحساب!