كل يوم حديث أو آية تنفعُ الناس

- يبني أنا في الأكل مفيش زيي، ده أنا مرة كلت وجبة كنتاكي الـ٢١ قطعة لوحدي.

قال ﷺ: (مَا مَلأ آدَمِيٌّ وِعَاءً شَرًّا مِن بَطْنٍ).

- أنت تعرف معزّتك عندي بالشتيمة، كل ما أشتمك أكتر يبقى بحبك أكتر.

قال ﷺ: (ليس المؤمنُ بالطَّعَّانِ ولا باللَّعَّانِ، ولا بالفاحشِ ولا بالبذيءِ).

- أنت عارف الحوار اللي حكيته إمبارح محصلش كدا بالظبط، بس أنا حطيت التاتش بتاعي عشان القصة تبقى حلوة يعني..

قال ﷺ: (وَيْلٌ لِلَّذِي يُحَدِّثُ فَيَكْذِبُ لِيُضْحِكَ بِهِ الْقَوْمَ، وَيْلٌ لَهُ، ثُمَّ وَيْلٌ لَهُ).

- هوا فعلاً فيه العادة دي، يبقى أنا كدا ما اغتبتوش.

قال ﷺ: (أَتَدْرُونَ مَا الْغِيبَةُ؟ قَالُوا: اللَّهُ وَرَسُولُهُ أَعْلَمُ. قَالَ: ذِكْرُكَ أَخَاكَ بِمَا يَكْرَهُ، قِيلَ: أَفَرَأَيْتَ إِنْ كَانَ فِي أَخِي مَا أَقُولُ؟ قَالَ: إِنْ كَانَ فِيهِ مَا تَقُولُ فَقَدِ اغْتَبْتَهُ، وَإِنْ لَمْ يَكُنْ فِيهِ فَقَدْ بَهَتَّهُ).

- إيه يا ابني ده، هوا في راجل بيتكسف.

قال ﷺ: (الْحَيَاءُ مِنَ الْإِيمَانِ)، وكان الرسول ﷺ من أشد الناس حياءً.

- أنا لما بتعصب ما بشوفش قدامي.

قال ﷺ: (لَيْسَ الشَّدِيدُ بِالصُّرَعَةِ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ)، والصُّرعة: القوي الغلَّاب في المصارعة.

مفاهيم مغلوطة.. فأحيوا سُنَّته ﷺ.